Rektar mieda vydychnuŭ: Mikałaj Łukašenka padaŭ dakumienty ŭ BDU, imavierna na bijafak
Jak stała viadoma «Našaj Nivie», Mikałaj Łukašenka ŭ chodzie ŭstupnaj kampanii padaŭ dakumienty ŭ BDU. Tym samym kalektyŭ minskaha miedycynskaha ŭniviersiteta vydychnuŭ, a bijafaka BDU — napružyŭsia.
Imavierna, Mikałaj Łukašenka padaŭ dakumienty na śpiecyjalnaść «Bijatechnałohii» ŭ BDU.
Raniej užo paviedamlałasia, što pad hetuju śpiecyjalnaść na bijafaku źbirali vuzki kalektyŭ alimpijadnikaŭ, bo ličyłasia, što małodšy Łukašenka pojdzie vučycca tudy, ale peŭnaści nie było — Łukašenku čakali taksama i ŭ miedycynskim univiersitecie.
Čytajcie: VIP-hrupa i pretenzii da CT: Łukašenka rychtujecca adpravić Kolu na bijafak BDU?
Admietnaść bijafaku ŭ tym, što im kiruje prafiesar Vadzim Dziamidčyk, čałaviek u niejkim sensie z unikalnym losam: jon byŭ staršym navukovym supracoŭnikam u Kiembrydžy, a taksama šmat hod kiravaŭ łabaratoryjaj va ŭniviersitecie Eseksa, jaki ŭvachodzić u top-10 brytanskich VNU.
Praz 10 hod pracy ŭ Brytanii Dziamidčyk viarnuŭsia pracavać u Biełaruś. Jaho palityčnyja pohlady — addanaść Łukašenku, navukovaja bijahrafija — pavažanaja siarod kaleh.
Dzie Mikałaj Łukašenka zdavaŭ centralizavanaje testavańnie i ci zdavaŭ jaho ŭvohule, nieviadoma.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3535
Kamientary