U Słonimie padčas śviata horada raźbiŭsia aerapłan. Ekipaž zahinuŭ
13 žniŭnia kala 20 hadzin u Słonimie niedaloka ad vioski Razanaŭščyna raźbiŭsia aerapłan, paviedamlaje «Hazieta Słonimskaja».
Padčas katastrofy zahinuli dva členy ekipaža. Śmierć adnaho z členaŭ ekipaža miedyki kanstatavali adrazu, a druhoha sprabavali vyratavać, ale nie ŭdałosia.
Mužčynam było 54 i 61 hod, paviedamlaje SK.
Abodva zahinułyja — žychary Minska, rabotniki pryvatnaj firmy, jakaja ažyćciaŭlaje avijapieravozki.
Pa fakcie avijazdareńnia ŭzbudžana kryminalnaja sprava.
Siońnia Słonim adznačaje svajo 770-hodździe. «U suviazi z hetym byli arhanizavany paloty na motadeltapłanach, jakija kružyli nad horadam ceły dzień», piša «HS».
Vierahodna, što pad Słonimam raźbiŭsia samalot Aeroprakt 22-LS avijakłuba VRP Avia i jahonyja supracoŭniki. Kłub robić pavietranyja ekskursii nad Minskam, navučaje piłotaŭ.
Mienavita pra toje, što na śviata horada čakajecca prylot Aeroprakt 22-LS, pisała miascovaja słonimckaja presa. Płanavałasia, što paloty adbuducca z 10 da 21 hadziny.
U Instahramie kłuba VRP Avia źjaviłasia čornaja zastaŭka.
Pamiatajecie pravakatara i danosčyka Jaŭhiena Kakojtu? Jon ciapier taksama palitviazień13
Kamientary