У Слоніме падчас свята горада разбіўся аэраплан. Экіпаж загінуў
13 жніўня каля 20 гадзін у Слоніме недалёка ад вёскі Разанаўшчына разбіўся аэраплан, паведамляе «Газета Слонімская».
Падчас катастрофы загінулі два члены экіпажа. Смерць аднаго з членаў экіпажа медыкі канстатавалі адразу, а другога спрабавалі выратаваць, але не ўдалося.
Мужчынам было 54 і 61 год, паведамляе СК.
Абодва загінулыя — жыхары Мінска, работнікі прыватнай фірмы, якая ажыццяўляе авіяперавозкі.
Па факце авіяздарэння ўзбуджана крымінальная справа.
Сёння Слонім адзначае сваё 770-годдзе. «У сувязі з гэтым былі арганізаваны палёты на мотадэльтапланах, якія кружылі над горадам цэлы дзень», піша «ГС».
Верагодна, што пад Слонімам разбіўся самалёт Aeroprakt 22-LS авіяклуба VRP Avia і ягоныя супрацоўнікі. Клуб робіць паветраныя экскурсіі над Мінскам, навучае пілотаў.
Менавіта пра тое, што на свята горада чакаецца прылёт Aeroprakt 22-LS, пісала мясцовая слонімcкая прэса. Планавалася, што палёты адбудуцца з 10 да 21 гадзіны.
У Інстаграме клуба VRP Avia з’явілася чорная застаўка.
Сталі вядомыя першыя пяць прозвішчаў палітвязняў, вызваленых па новым памілаванні5
Каментары