Siońnia ministr sportu i turyzmu Aleh Kačan pravioŭ pres-kanfierencyju, prymierkavanuju da Mižnarodnaha dnia turyzmu.
Siońnia ministr sportu i turyzmu Aleh Kačan pravioŭ pres-kanfierencyju, prymierkavanuju da Mižnarodnaha dnia turyzmu.
Ministr adznačyŭ tendencyju rostu kolkaści zamiežnych turystaŭ, jakija pryjazdžajuć u našu krainu. I praca ŭ hetym kirunku budzie praciahnuta. Aleh Kačan vykazvajecca za toje, kab zdavać spartovyja abjekty ŭ arendu zamiežnym kamandam. Jak našyja spartoŭcy jeździać na zbory ŭ inšyja krainy, tak i da nas mohuć pryjazdžać zamiežniki. Ministerstva sportu i turyzmu spadziajecca skarystacca tym, što ŭ 2012 hodzie va Ŭkrainie i Polščy budzie prachodzić čempijanat Jeŭropy pa futole. Vykazvajecca nadzieja na toje, što šerah jeŭrapiejskich kamand budzie vykarystoŭvać u jakaści trenirovačnych baz stadyjony pamiežnych Hrodna i Bresta.
Zakranuli pytańnie pra admienu biełaruskich viz dla hramadzian Jeŭrapiejskaha Sajuza. «My byli inicyjatarami hetaha, — adznačyŭ ministr. — Siońnia prapracavana pytańnie ab pamiežnaj zonie ź Litvoj. U zaležnaści ad taho, jak my spracujem na hetaj 50-kiłamietrovaj zonie, tady ŭžo budziem inicyjavać nastupnyja kroki».
«Našy spartoŭcy stali zakłdanikami vypadku, — skazaŭ Aleh Kačan, kamientujučy spravu z Vadzimam Dzieviatoŭskim i Ivanam Cichanam. — Kali dva našyja atlety zavajoŭvajuć dva miedali, nas hatovy pasunuć. Vy viedacie, jakaja baraćba idzie pamiž kamiersantami pry prasoŭvańni svajho praduktu. Toje samaje i ŭ sporcie. Kožnaja kraina hatovaja prasunuć svajho spartoŭcu lubymi sposabami. Tamu vyrašyli, što ŭ hetym vidzie sportu my zavajoŭvajem šmat miedaloŭ. Ale dla hetaha jość sud. Jon raźbiarecca».
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary