Fiederalnaja słužba biaśpieki abvinavaciła Ukrainu ŭ arhanizacyi zabojstva Darji Duhinaj u Padmaskoŭi.
Jak śćviardžaje FSB, padryŭ mašyny z Darjaj Duhinaj byŭ «padrychtavany i ździejśnieny ŭkrainskimi śpiecsłužbami».
Pavodle FSB, vykanaŭcam źjaŭlajecca «hramadzianka Ukrainy Voŭk Natalla Paŭłaŭna, 1979 h. n., jakaja prybyła ŭ Rasiju 23 lipienia 2022 hoda razam z dačkoj Šaban Safijaj Michajłaŭnaj, 2010 h. n.».
Paśla ździajśnieńnia złačynstva Voŭk razam z dačkoj vyjechała praz Pskoŭskuju vobłaść u Estoniju, havorycca ŭ paviedamleńni FSB.
«U metach arhanizacyi zabojstva Duhinaj i atrymańnia infarmacyi ab jaje ładzie žyćcia jany arandavali kvateru ŭ Maskvie ŭ domie, dzie pražyvała zahinułaja», a dla nazirańnia vykarystoŭvali aŭtamašynu Mini Cooper, pryčym z numarami DNR, Kazachstana i Ukrainy, u zaležnaści ad situacyi.
«U dzień zabojstva Voŭk i Šaban znachodzilisia na litaraturna-muzyčnym fiestyvali «Tradycyja», dzie Duhina prysutničała ŭ jakaści hanarovaha hościa», — paviedamiła FSB.
Nahadajem, što aŭtamabil Duhinaj byŭ uzarvany ŭviečary ŭ subotu ŭ rajonie pasiołka Vialikija Viaziomy Maskoŭskaj vobłaści. Žančyna zahinuła na miescy. Pa hetym fakcie Śledčy kamitet raspačaŭ kryminalnuju spravu. U viedamstvie adznačali, što zabojstva nosić zakazny charaktar.
Čytajcie taksama:
«Duhin mieŭ jechać na hetaj mašynie, ale sieŭ u inšuju». Uzarvali dačku ideołaha rasijskaha impieryjalizmu Duhina
Zachad, Ukraina, Kreml, Łukašenka? Chto moža stajać za zabojstvam Darji Duhinaj?
Na scenu vyjšła rasijskaja «Nacyjanalnaja respublikanskaja armija», jakaja ŭziała na siabie adkaznaść za zabojstva Duhinaj
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary
https://nashaniva.com/ru/297843
No, pałka o dvuch koncach, jeśli pieriehnuť, to duhincy i hirkincy mohut ustroiť šturm Kriemla, a nie ukrainskich Piesok, s pomoŝju otmobilizovannoho i vooružiennoho, rośsijskoho miasa.