Łukašenka zahadaŭ stvaryć adziny dabračynny fond pad svaim «dacham»
Pra namiery Łukašenki sabrać usiu dabračynnaść pad svaim «dacham» paviedamiła jahonaja pres-słužba. Anansavany hetym palitykam fond pavinien zaniać miesca šmatlikich niedziaržaŭnych arhanizacyj, začynienych za apošnija dva hady ŭ Biełarusi.
«Viedaju, što mnohija fondy i fondziki ź Biełarusi syšli, a niekatorych my prosta prybrali, tamu što vy viedajecie, čym jany zajmalisia — na zamiežnyja hrošy ździajśniali pieravaroty, sprabavali ździejśnić. Tamu my, kali vyvučyli pracu hetych fondaŭ i inšaje, vymušanyja byli ad ich admovicca.
Ja nie chavaju, što byłomu kiraŭniku spraŭ daručyŭ stvaryć pad imiem, nu skažam tak, pad dacham prezidenta adziny nacyjanalny fond», — zajaviŭ Łukašenka.
Na jahonuju dumku, fond pryciahnie ludziej, jakija ščyra chočuć dapamahčy.
«Naturalna, tyja ščyryja sumlennyja ludzi, jakija chočuć u nas zajmacca dabračynnaściu, jany z zadavalnieńniem pryjduć u hety fond, tamu što buduć razumieć, što nivodnaja kapiejka ź jaho naleva ci naprava nie pojdzie, a budzie vykarystanaja na vysakarodnyja mety», — ličyć Łukašenka.
Za apošnija dva hady ŭ Biełarusi byli pa palityčnych mierkavańniach źniščanyja amal 300 arhanizacyj hramadzianskaj supolnaści, mnohija ź jakich zajmalisia akurat dabračynnaściu.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary