Servis «Jandieks.Jeda» padličyŭ, ź jakich restaranaŭ karystalniki čaściej zakazvali hatovuju ježu ŭ Minsku i abłasnych centrach. Lidary raźmierkavanyja pa 20 roznych naminacyjach u zaležnaści ad vidu straŭ: pica, hamburhiery, vok, supy, sušy i rołły i inšaje. U top trapili tyja ŭstanovy, dzie na praciahu hoda nabrałasia najbolšaja kolkaść zamoŭ, piša Office Life.
Biełaruskija spažyŭcy addajuć pieravahu fastfudu. U Minsku, Mahilovie i Homieli ŭ adpaviednaj naminacyi na pieršym miescy apynułasia sietka Mcdonald's, u Breście, Hrodnie i Viciebsku — KFC. U inšych katehoryjach adznačylisia łakalnyja ŭstanovy.
Žychary Minska addajuć pieravahu zamovie burhieraŭ u Burger bro, bieraściejcy vybirajuć kraftavy Momoo burger house, haradziency — YellowStreet17. U Mahilovie lidziruje hastrabar «Sieŭ i źjeŭ», u zamovach viciablan — hryl-bar «Rabro bistro».
Homielskaje kafe «Kunžut» apynułasia ŭ topie adrazu pa dvuch pazicyjach: hamburhiery i sušy.
U padborcy «Jandieks.Jedy» nie tolki fastfud, ale i supy. «Chaładnikom hoda» ŭ Minsku staŭ sup ź sietki restaranaŭ narodnaj kuchni «Vasilki». A ŭ Mahilovie z hetaj ža sietki čaściej za ŭsio zamaŭlali boršč z rabrynkami i chatniuju salanku. U Hrodnie byli papularnyja chaładnik z smažanaj bulbaj, salanka i sup tom kcha z kurycaj z kafe Garage.
Pa desiertach i vypiečkach u Minsku nie było roŭnych piakarni-kandytarskaj «Ćjery». U damy i ofisy Hrodna takuju pradukcyju čaściej pastaŭlała kafe «Alaksandraŭskija pirahi». Kafe «Tiepło» zavajavała sercy bieraściejcaŭ svaimi eklerami i tyramisu, a taksama syrnikami i blincami — pieramoha adrazu ŭ dźviuch naminacyjach: «na desiert» i «na śniadanak».
U Minsku śniadanki čaściej za ŭsio zakazvajuć z kafe «Družba. Manufaktura ježy i napojaŭ». Staličnaja sietka hruzinskich restaranaŭ «Chinkalnia» stała asnoŭnym pastaŭščykom dla minčan chačapury i šašłykoŭ. U Hrodnie naminacyja «Šašłyk hoda» prysudžanaja kafe «Stary Tbilisi».
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary
p.s. kažu voś - nabiahuć i cudoŭna razumieju, što nie - nie nabiahuć. usie ž čytačy NN peŭna za miažoj (
Nie dumaju, što biełarusam hetymi servisami varta karystacca pa zrazumiełaj pryčynie.