Ministr abarony ZŠA: My ŭsie pavinny być natchnionyja tym, što bačym
Ministr abarony ZŠA Łojd Ościn pryvitaŭ vyzvaleńnie Ukrainaj horada Limana. «Biezumoŭna, heta važna. My vielmi natchnionyja tym, što bačym ciapier», — pieradaje Reuters jahonyja słovy, skazanyja žurnalistam na pres-kanfierencyi na Havajach.
Ościn adznačyŭ, što Liman byŭ raźmieščany na linii zabieśpiačeńnia, jakuju Rasija vykarystoŭvała dla pierakidańnia svaich vojskaŭ i materyjalnych srodkaŭ na poŭdzień i na zachad.
«A biez hetych maršrutaŭ heta budzie składaniej. Tak što heta ŭjaŭlaje saboj svajho rodu dylemu dla ruskich, — miarkuje ministr. — I my ličym, što ŭkraincy prarabili vialikuju pracu, kab dabracca tudy i pačać zajmać horad».
«Što heta aznačaje z punktu hledžańnia patencyjnaj eskałacyi, ja nie budu pra heta razvažać. Ale što heta aznačaje dla pola boju, dyk heta toje, što ŭkraincy praciahvajuć dabivacca prahresu, — dadaŭ jon. — Jany praciahvajuć stvarać prablemy dla ruskich, jakija im pryjdziecca vyrašać. I znoŭ ža, my ŭsie pavinny być natchnionyja tym, što my bačym».
Kamientary