Za kamientaryi pa «spravie Zielcera» rok-muzykantu dali dva hady kałonii. U jaho — chvoraje dzicia
U Viciebskim abłasnym sudzie 7 kastryčnika vynieśli prysud pavodle č. 1 art. 130 (raspalvańnie inšaj sacyjalnaj varožaści) palitźniavolenamu Siarhieju Dalivieli. Pasiadžeńnie prachodziła ŭ zakrytym farmacie. Spravu razhladała sudździa Halina Bondał, piša «Viasna».
Siarhieja Dalivielu zatrymali ŭ 2021 hodzie pavodle kryminalnaj spravy, raspačataj za kamientaryi ŭ internecie paśla hibieli ŭ minskaj kvatery supracoŭnika KDB Dźmitryja Fiedasiuka i acišnika Andreja Zielcera.
Pieršapačatkova Siarhieja abvinavačvali pavodle dvuch artykułaŭ. Ale abvinavačańni pavodle art. 369 (abraza pradstaŭnika ŭłady) źniali.
Prakuror zaprasiŭ pakarańnie terminam u 2 hoda i 6 miesiacaŭ źniavoleńnia. Sudździa pryniała da ŭvahi chvoraje dzicia, jakoje znachodzicca na ŭtrymańni Siarhieja.
7 kastryčnika sudździa Viciebskaha abłasnoha suda Halina Bondał pryznała vinavatym Dalivielu pavodle č. 1 art. 130 (raspalvańnie inšaj sacyjalnaj varožaści) i pryznačyła jamu pakarańnie terminam u 2 hady pazbaŭleńnia voli ŭ kałonii va ŭmovach ahulnaha režymu.
Siarhiej Daliviela — lidar minskaha rok-hurta «Banderol», aŭtar tekstaŭ piesień i muzyki, vykonvaje i svaje solnyja pieśni.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary