Što pahladzieć. «Karol Tałsy» (Tulsa King) — debiut Stałone ŭ sieryjałach
Silviestr Stałone, ikona žanru bajevikoŭ, upieršyniu pasprabavaŭ siabie ŭ telesieryjale. Hady nahadvajuć pra siabie, i zamiest bicepsaŭ Stałone ciapier biare šarmam.
Paśla 25 hadoŭ źniavoleńnia Duajt Manfredzi (Stałone) čuje: «Dla ciabie tut bolš ničoha nie zastałosia, my nie možam prosta pieravieści hadzińnik nazad». Jon adsiedzieŭ svoj termin i trymaŭ jazyk na zamku, kab abaranić svaich, ale na voli daviedaŭsia, što ciapier usim zapraŭlaje maładoje pakaleńnie, piša slantmagazine.com.
U Ńju-Jorku ad Manfredzi niama karyści, i tamu jaho adsyłajuć u hłuchmień — Tałsu, štat Akłachoma. U hetym horadzie Duajt ź jaho strohimi kaściumami, bliskučymi soncaachoŭnymi akularami i pižonstvam vyhladaje biełaj varonaj.
Tym nie mienš, jon chutka biarecca za vyroščvańnie ŭ pustynnych ziemlach filijała kryminalnaj impieryi. Manfredzi siadaje ŭ taksi ŭ aeraporcie i chutka najmaje maładoha taksista svaim ułasnym kiroŭcam, a potym prachodzić u pieršaje pradpryjemstva, mima jakoha jany prajazdžajuć, i vychodzić adtul z poŭnaj kišeniaj hrošaj «na abaronu». Jon jašče nie zasialiŭsia ŭ hatel, ale ŭžo raspačaŭ u Tałsie mafijozny rekiet.
Usio idzie na dziva hładka. Stałone padparadkoŭvaje śviet svaim kapryzam.
Pieršyja dźvie sieryi «Karala Tałsy» čaplajuć zakručanym siužetam pra palicejskich i rabaŭnikoŭ, a taksama pra novyja ramany i staryja znajomstvy, što mohuć stać na šlachu impieryi Duajta. Ale hety sieryjał najbolš zachaplaje dy i źjaŭlajecca najbolš śmiešnym u inšyja, nie takija nasyčanyja momanty. Voś Stałone ŭ šalenstvie, kali jaho atakuje konik, a voś jon razdražniajecca, bo sprabuje zamović taksi. Vy pabačycie taksama Stałone ŭ zachapleńni, kali jon budzie kaštavać pieršy za čverć stahodździa ražok marožanaha — u turmie, jak jon patłumačyć, padavali tolki tyramisu. Heta sceny, u jakich siužet nabyvaje jarkuju i viasiołuju afarboŭku.
Jašče niajasna, ci zdoleje «Karol Tałsy» daraści da ŭzroŭniu lepšych mafijoznych sieryjałaŭ. Ale ŭžo ciapier možna pradkazvać, što hetaje šou daść mahčymaść pravieści čas pa-karaleŭsku dobra i amataram kamiedyj, i fanatam kryminalnych dram.
Rejtynhi na vialikich suśvietnych resursach:
IMDB — 8,4/10
Rotten Tomatoes — 77% (krytyki), 86% (hledačy)
Čytajcie taksama:
Samy niedaacenieny sieryjał hoda. Čamu varta pahladzieć «Raździaleńnie», kali vy jaho prapuścili
Kudy schadzić: šalony hajd pa sučasnym mastactvie i jašče 8 kłasnych iventaŭ dla amataraŭ kino
«Pieryfieryjnyja pryłady» (The Peripheral) — fantastyčny sieryjał ad stvaralnikaŭ «Śvietu Dzikaha Zachadu»
-
Netflix raskazaŭ pra nievierahodny pośpiech sieryjała «Vielmi dziŭnyja spravy». Sieryjał upłyvaje na ŭsie śfiery žyćcia
-
Na Zachadzie vybuchnuŭ sieryjał pra kachańnie rasijskaha i kanadskaha chakieistaŭ
-
Akcior papularnaha sieryjała «Vielmi dziŭnyja spravy» paŭtara hoda nie pryznavaŭsia pra zdymki. Kazaŭ, što hraje ŭ dakumientałcy pra majanez
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary