Ci byli biełaruskija vajskoŭcy pad Kijevam? Voś što kaža sakratar ukrainskaj Rady nacbiaśpieki
Sakratar Rady nacyjanalnaj biaśpieki i abarony Alaksiej Daniłaŭ u intervju Kyiv Post vykazaŭsia nakont mahčymaha ŭdziełu biełaruskaha vojska ŭ vajnie.
«Ci pojduć biełarusy vajavać suprać našaha naroda? Mnie składana skazać. Tamu što heta zaležyć ad šmatlikich faktaraŭ, na jakija my ciapier nie ŭpłyvajem. Ale my dakładna viedajem, što nijakaha žadańnia ŭ biełarusaŭ vajavać z nami niama, my im ničoha drennaha nie rabili», — razvažaje Daniłaŭ.
Toje, što chtości bačyŭ biełaruskich vajskoŭcaŭ u Kijeŭskaj vobłaści viasnoj, jon ličyć nie bolš, čym čutkami.
«Kali vy kažacie, što niechta tam bačyŭ biełarusaŭ, ja mahu skazać, što niechta i inšapłaniecian bačyŭ. Ludziej u biełaruskaj vajennaj formie tam nie było. Kali b heta było tak, abaviazkova byli b fatahrafii.
Pačynajučy z 24 lutaha ja ŭvieś čas znachodžusia ŭ horadzie Kijevie, atrymlivaŭ kałasalny abjom infarmacyi ŭ pieršyja dva tydni ad vielizarnaj kolkaści ludziej, jakija nam dapamahali. Nivodnaha vypadku ź biełaruskimi vajskoŭcami nie było», — kaža Daniłaŭ.
Jon ličyć Biełaruś akupavanaj RF.
«Rasijskija vajskoŭcy pavodziać siabie tam, jak u siabie doma. Kali budzie pryniataje rašeńnie, nie daj Boh, što biełarusy pačynajuć vajennyja dziejańni, tady my budziem reahavać», — adkazaŭ jon.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała12
Kamientary
Tolki jen sa svajej " insajdierskaj" infoj ad " sbu" ukrvyviedki razhaniał purhu ab " dziejnaści biełarusau pad Kijevam ab " ahientach khb ci fsb" u Kabiniecie i u appazicyi