Staronka vieršavanaha radka

Laksiej Papoŭ

MAJA ROLA

Mnie hetaj roli nie zabyć,

Taki moj los, taki moj bol —

Iści za praŭdaj u ahoń,

Iści pa śviet... dy ciemraj žyć.

Takich miljony nas idzie —

Usie pa lepšy los u noč,

Usie pa smahu ŭ mocny doždž.

Biaźlitasna natoŭp biažyć,

Abcasy žudasna hučać,

Biahuć usie siabie chavać

...A kostka pad nahoj chruścić.

Takaja rola u mianie —

Biehčy ad ich... dy ad siabie.

❏

Anatol Trafimčyk

Z VASILA SIMANIENKI

* * *

Ja nie pamru ad rospačnaje skruchi,

Adno samotnaj nočču pa viaśnie

Pryśniu: tvaje abdymuć ruki

I sini, jasny pohlad achinie.

Ty budzieš pobač kožnaje imhnieńnie,

Ty zastanieśsia ŭ javie, a nia ŭ śnie.

Zaćmiš vačyma zoračak zichcieńnie,

Palićmieš žarściu prahnaju mianie.

I dzień za dniom čakaju i takuju,

I dzie b ni byŭ, usiudy los malu

Sustreć ciabie — adzinuju takuju,

Piaščotnuju dziaŭčynačku maju.

❏

Siaržuk Žycień

lepš

pić sa svaich načovak

čymsia z čužoha

kałodziežu

dy chadzić va ŭłasnym ryźzi

čym u anučach

z sekand chendu

adno nasić

z saboju zaŭždy

nie čužuju ale svaju

dušu dy

hladziecca ŭ svaje

staryja dziravyja ad hałoty

ale

načyščanyja boty

i bačyć adlustravańnie

ŭłasnaj uśmieški

adsutnaść…

ad sutnaści

pachnie vadoju

kali zaziraješ

za niebakraj

špacyrujučy

adbitkami soniečnych kosaŭ

labiryntami

nienarodžanych

dumak

biazdońnie…

dumać paśla

sutońnia

zory ŭ vočy

vočy ŭ zory

šlacham iści

małočnym

ci jechać vozam

małym vialikim

za Soncam

za Licham

❏

Juzik Dzienisiuk

MARY BAMŽA

Siadžu ŭ zakutku,

Saplami hraju.

Ŭ čužym abutku

Z čužoha kraju.

Ŭ čužoj adziežy

Z tannaha šopu.

Čužaja ježa…

Vivat, Eŭropa!

Svaju chacinu

Zakłaŭ u banku

I, jak dziaŭčynu,

Spadobiŭ šklanku.

Prapiŭ ŭsie hrošy

I chatu straciŭ.

Pasu ja vošy

U ciepłatrasie.

I tam, dzie śmietnik,

Dzie jość škłatara,

Paroju letniaj —

Maje Kanary.

Zimoj dyk horšaj —

Śnieh zamiataje.

Mnie jak by ŭ Polšču,

A tam… ŭ Izrail.

Ludcy tam kiemiać

Ŭ kašernym miasie

I paśviać kemel

Nia ŭ ciepłatrasie.

Tam i zimoju

Runieje traŭka.

Łyhnuŭ napoju —

Lažy, nia haŭkaj.

Nu a škłatary

Ad «biełabrysaj»

La šopaŭ, baraŭ —

Choć zavalisia.

Oj, mary-mary —

Choć ciešać staraść,

Dy ni paŭkroku

Da toj Eŭropy!

❏

Vital Ryžkoŭ

SPRAVAZDAČA PA ROSPAČY

Mnie sumna.

Špurnutaja ŭ śpinu śniežka — metafara sumy

atrymanych viedaŭ u baraćbie sa zvykłaściu:

źmiašałasia ŭsio ŭ adnu biblejskuju sunu,

źlipłasia…

Źlilisia

razumieńni sensaŭ isnavańnia dy isnaści —

voś tak pierastaniem

adroźnivać z časam

adcieńni.

I nia ŭ vočy budziem hladzieć,

a kryvavić: «Źlitujsia!» —

i nie čałavieku,

a — cieniu.

Pa adzieńni,

jak paviałosia, mianie sustrenuć,

pravodziać pa rozumie:

niechta prymie majo, niechta skryvić skivicy…

My ŭsie pražyvajem žyćcio pa-roznamu:

boh hladzić na nas —

tolki dzivicca.

• 0
• 0
• 0
• 0
• 0
• 0
• 0
• 0