Z nastupnaha tydnia ŭ Biełarusi možna budzie pa-novamu aformić DTZ
Z 15 kastryčnika stanie praściej afarmlać jeŭrapratakoły, raskazaŭ hienieralny dyrektar Biełaruskaha biuro pa transpartnym strachavańni Ihar Klepča, piša BiełTA.
Mahčymaść aformić DTZ biez vykliku DAI ŭ Biełarusi isnuje ŭžo 16 hadoŭ. Kab heta možna było zrabić maksimalna prosta, z 15 kastryčnika stanie dastupnym veb-dadatak, jaki dazvalaje zapaŭniać paviedamleńnie pra DTZ u elektronnym vyhladzie ź luboj mabilnaj pryłady pad kiravańniem luboj apieracyjnaj sistemy. Jaho navat nie treba stavić na hadžet.
«Usio heta absalutna biaspłatna. I značna chutčej, čym na papiery. Elektronnaje paviedamleńnie intuityŭna vielmi prostaje. Kali na papiarovaje spatrebicca ŭ siarednim 10—15 chvilin, to elektronnaje možna zapoŭnić za try chviliny», — adznačyŭ Ihar Klepča.
Dla zapaŭnieńnia elektronnaha paviedamleńnia ŭ abodvuch kiroŭcaŭ pavinny być telefony ź dziejnymi abanienckimi numarami biełaruskich apierataraŭ suviazi. Prynamsi na adnoj pryładzie pavinny być kamiera, dostup da internetu i hieałakacyi.
Pavodle słoŭ Ihara Klepčy, možna aformić tolki DTZ, jakoje adbyłosia na terytoryi Biełarusi z transpartnymi srodkami, zarehistravanymi ŭ našaj krainie i nie źniatymi z uliku. Data zapaŭnieńnia elektronnaha paviedamleńnia pavinna adpaviadać dacie DTZ.
Spasyłka na veb-dadatak z 15 kastryčnika źjavicca na sajcie Biełaruskaha biuro pa transpartnym strachavańni.
Dla kansultacyj kiraŭnik Biełaruskaha biuro pa transpartnym strachavańni paraiŭ telefanavać u koł-centr pa karotkim trochznačnym numary 140. Z 15 kastryčnika jaho supracoŭniki buduć nahadvać pra veb-dadatak i padkazvać, jak pravilna im karystacca.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku20
Kamientary