«Adna «ruka» sadžaje ŭ ŠIZA i mokruju kamieru, a druhaja lakuje ad nastupstvaŭ». Mikałaja Statkieviča znoŭ źmiaścili ŭ ŠIZA
Pra čarhovaje paharšeńnie i tak maksimalna kiepskich umoŭ utrymańnia palitviaźnia Mikałaja Statkieviča paviedamiła ŭ fejsbuku jahonaja žonka Maryna Adamovič.
«Užo niekalki razoŭ paśla vypiski ź miedčastki brali kroŭ z palca na analiz. Jak ja razumieju, zastajecca zavyšanaj SOE. Siońnia rabili «kantrolnuju» fluarahrafiju, u tym liku asobny zdymak pravaha lohkaha.
Zvyčajnaja tut situacyja — adna «ruka» nieŭzabavie paśla chvaroby sadžaje ŭ ŠIZA, a potym u kamieru z mokrym ad stoli da nizu kutam, a druhaja lakuje ad nastupstvaŭ. I piša daviedki, što mahu być u ŠIZA» — ź lista Mikałaja ad 05.01.23.
A ja to hadała, navošta było jaho paśla chvaroby pieravodzić u inšuju kamieru? Vierahodna, staraja nie adpaviadała vysokim standartam hetaj ustanovy. Dy i siem santymietraŭ niečaha vartyja ž.
P. S. Zaraz Mikałaj iznoŭ u ŠIZA», — napisała Maryja Adamovič.
66-hadovy Mikałaj Statkievič asudžany na 14 hadoŭ pazbaŭleńnia voli va ŭmovach uzmocnienaha režymu, termin adbyvaje ŭ hłybockaj kałonii ŭ adzinočnaj kamiery.
Kamientary