"Liverpul"pahadziŭsia, kab polski hałkipier Ježy Dudek pakinuŭ klub.
«Liverpul» pahadziŭsia, kab polski hałkipier Ježy Dudek pakinuŭ klub.
Pieramožca Lihi čempijonaŭ -- 2005 zhubiŭ miesca ŭ składzie kamandy minułym letam z prychodam u bramu Chase Rejny. 33-hadovy palak rabiŭ usio, kab syści – trenier nacyjanalnaj zbornaj Pavad Janaś zajaviŭ, što na mundyjal voźmie tolki tolki tych, chto maje tryvałaje miesca ŭ składzie svaich kamandaŭ. Ale trenier mersysajdcaŭ Rafael Benites Dudeka nie adpuściŭ, i jon na suśvietnaje pieršynstvo nie pajechaŭ.
Ciapier sytuacyja źmianiłasia. Klub znajšoŭ druhoha hałkipiera ŭ dapamohu Chase Rejnie – Skota Karsana. A Dudek atrymaŭ dazvoł na transfer.
Benites sprabavaŭ zbyć Dudeka i abaroncu Jana Kromkampa ŭ halandzki «Fejenord» u zamien na maładoha i duža perspektyŭnaha Dyrka Kiujka. Halandcy nie pahadzilisia. Ale Benites choča mieć jašče adnaho snajpera. Z sychodam Fernanda Marjentesa ŭ «Valensiju» i Džybryla Sise ŭ marselski «Alimpik» trener maje ŭ svaim raspardžeńni tolki troch forvardaŭ: Krejha Bełami, Pitera Kraŭča i Robi Faŭlera.
Dudeka źbirajucca adpuścić za 1,5-2 młn funtaŭ. Pakul kankretnych prapanoŭ niama, ale hałkipier maje čas da zakryćcia trasfernaha akna -- 31 žniŭnia. Čempijanat anhielskaj premjer-lihi startuje 18 žniŭnia.
Ale kab pabačyć «Liverpul» nia treba afarmlać vizu i kuplać kvitok na samalot. UEFA, mahčyma, admienić u Chajfie pajadynak 3-ha raŭndu Lihi čempijonaŭ pamiž miascovym «Makkabi» i «Liverpulem», i kamandy 22 ci 23 žniŭnia zhulajuć u Kijevie.
Kamientary