Piŭzavod «Alivaryja» budzie pravodzić mierapryjemstvy, skiravanyja na palapšeńnie jakaści absłuhoŭvańnia klijentaŭ u restaranach, barach i hatelach Minska.
Piŭzavod «Alivaryja» budzie pravodzić mierapryjemstvy, skiravanyja na palapšeńnie jakaści absłuhoŭvańnia klijentaŭ u restaranach, barach i hatelach Minska.
Z hetaj metaj niekalki razoŭ na tydzień ekśpiertnyja hrupy piŭzavodu buduć pravodzić ananimnyja rejdy pa restaranach horada i davać acenku jakaści raźliŭnoha piva, a razam ź joj i ŭsioj pracedury absłuhoŭvańnia.
Na admysłovaj pres‑kanfierencyi, zładžanaj z hetaj nahody, vykonvajučy abaviazki hienieralnaha dyrektara «Alivaryi» Michaił Čečenieŭ adznačyŭ, što «my harantujem jakasnaść pradukta, jaki vypuskaje našaje pradpryjemstva i chočam viedać, što mienavita ŭ takim vyhladzie jon trapić da spažyŭca». Na mierapryjemstvie prysutničaŭ taksama Tork Furkchaŭhie — dyrektar pa raźvićciu prodažaŭ mižnarodnaha kancerna Carlberg A/S, u skład jakoha ŭvachodzić «Alivaryja». Spadar Furkchaŭhie adznačyŭ, što «biełaruskaje pradpryjemstva — naš stratehičny partnior. A Biełaruś była pieršaj krainaj, dzie my pačynajem realizoŭvać našyja novyja inicyjatyvy».
Pradstaŭnik dackaj kampanii taksama zajaviŭ, što ŭ bližejšy čas nie płanujecca pačynać vytvorčaść piva dackich marak. Staŭka budzie zroblena na prasoŭvańnie na rynak biełaruskich piŭnych brendaŭ premium‑kłasa.
Akramia inśpiekcyi restaranaŭ i baraŭ, «Alivaryja» taksama płanuje pravodzić treninhi dla minskich barmenaŭ, z metaj pavyšeńnia ich prafiesijnaj kvalifikacyi.
Niehledziačy na aptymizm kiraŭnikoŭ kampanii, na siońnia tolki 2% biełaruskaha piŭnoha rynka naležyć baram, restaranam i hatelam. I choć biełaruski brend zavajavaŭ užo 40% ad usich prodažaŭ, heta pakul kapla ŭ mory. U susiedniaj Litvie adpaviednyja ŭstanovy kantralujuć 42% piŭnoha rynka. Što, naturalna, pavyšaje ŭzrovień kultury spažyvańnia ałkaholu.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary