Піўзавод «Аліварыя» будзе праводзіць мерапрыемствы, скіраваныя на паляпшэнне якасці абслугоўвання кліентаў у рэстаранах, барах і гатэлях Мінска.
Піўзавод «Аліварыя» будзе праводзіць мерапрыемствы, скіраваныя на паляпшэнне якасці абслугоўвання кліентаў у рэстаранах, барах і гатэлях Мінска.
З гэтай мэтай некалькі разоў на тыдзень экспертныя групы піўзаводу будуць праводзіць ананімныя рэйды па рэстаранах горада і даваць ацэнку якасці разліўнога піва, а разам з ёй і ўсёй працэдуры абслугоўвання.
На адмысловай прэс‑канферэнцыі, зладжанай з гэтай нагоды, выконваючы абавязкі генеральнага дырэктара «Аліварыі» Міхаіл Чэчэнеў адзначыў, што «мы гарантуем якаснасць прадукта, які выпускае нашае прадпрыемства і хочам ведаць, што менавіта ў такім выглядзе ён трапіць да спажыўца». На мерапрыемстве прысутнічаў таксама Торк Фуркхаўге — дырэктар па развіццю продажаў міжнароднага канцэрна Carlberg A/S, у склад якога ўваходзіць «Аліварыя». Спадар Фуркхаўге адзначыў, што «беларускае прадпрыемства — наш стратэгічны партнёр. А Беларусь была першай краінай, дзе мы пачынаем рэалізоўваць нашыя новыя ініцыятывы».
Прадстаўнік дацкай кампаніі таксама заявіў, што ў бліжэйшы час не плануецца пачынаць вытворчасць піва дацкіх марак. Стаўка будзе зроблена на прасоўванне на рынак беларускіх піўных брэндаў прэміум‑класа.
Акрамя інспекцыі рэстаранаў і бараў, «Аліварыя» таксама плануе праводзіць трэнінгі для мінскіх бармэнаў, з мэтай павышэння іх прафесійнай кваліфікацыі.
Негледзячы на аптымізм кіраўнікоў кампаніі, на сёння толькі 2% беларускага піўнога рынка належыць барам, рэстаранам і гатэлям. І хоць беларускі брэнд заваяваў ужо 40% ад усіх продажаў, гэта пакуль капля ў моры. У суседняй Літве адпаведныя ўстановы кантралююць 42% піўнога рынка. Што, натуральна, павышае ўзровень культуры спажывання алкаголю.
Цяпер чытаюць
«Кіберпартызанаў» крытыкуюць за ўзлом сайта Нацбібліятэкі — бо цяпер не працуе каталог. Тыя адказалі15
Каментары