Šajhu śćviardžaje, što Ukraina straciła za minuły miesiac 15 tysiač čałaviek
Sama Rasija nazyvała apošni raz aficyjnyja ličby ŭ vieraśni minułaha hoda.
«Niahledziačy na biesprecedentnuju vajskovuju dapamohu z boku zachodnich krain, praciŭnik niasie značnyja straty. Tolki za minuły miesiac jany stracili bolš za 15 tysiač čałaviek», — cytuje słovy ministra abarony Rasii «Interfaks» na sielektarnaj naradzie ŭ aŭtorak.
Ministr abarony RF taksama paviedamiŭ, što rasijskija vajskoŭcy padčas uvarvańnia va Ukrainu źniščyli «vosiem samalotaŭ, 277 bieśpiłotnych latalnych aparataŭ, 430 tankaŭ i inšych bajavych braniravanych mašyn, 18 bajavych mašyn reaktyŭnych sistem załpavaha ahniu, 225 harmat palavoj artyleryi i minamiotaŭ» Uzbrojenych sił Ukrainy.
«Praciahvajem likvidavać uzbrajeńnie, jakoje pastaŭlajecca dla patreb ukrainskich Uzbrojenych sił Zachadam», — skazaŭ Šajhu.
Sama Rasija nazyvała apošni raz svaje aficyjnyja ličby ŭ vieraśni minułaha hoda. Tady Šajhu nazvaŭ ličbu ŭ 5937 rasijskich vajskoŭcaŭ, što vidavočna było zanižana.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary