«Vydatny kiraŭnik i lidar». Zvolnienaja pracaŭnica MNPZ zapisała novaje videa, u jakim chvalić Dvornika
Žančyna, jakuju zatrymali i zvolnili za krytyku dyrektara «Mazyrsoli», zapisała videa z pachvałami kiraŭnika pradpryjemstva, piša «Fłahštok».
Iryna Antonienka pracavała na Mazyrskim NPZ prybiralščycaj. U kancy krasavika źjaviłasia infarmacyja ab tym, što niekatorym rabotnikam zavoda AAT «Mazyrsol», u tym liku i jaje mužu Hienadziu, nie budzie praciahnuty kantrakt. Napiaredadni dyrektar zavoda Uładzimir Dvornik zvolniŭ adrazu niekalkich rabotnikaŭ — im nie praciahnuli kantrakty, pavodle «Fłahštoka», nibyta z-za častych vychadaŭ na balničny.
1 maja Iryna zapisała videa, dzie raskazała pra zvalnieńni na zavodzie i raskrytykavała dyrektara zavoda Uładzimira Dvornika.
1 maja videa źjaviłasia ŭ tyktoku.
11 maja na MNPZ siłaviki zatrymali Irynu. Videa źnikła ź jaje staronki, žančyna była zvolnienaja.
16 maja na staroncy Iryny źjaviłasia videa, dzie jana prosić prabačeńnia ŭ kiraŭnictva AAT «Mazyrsol» i jaho dyrektara Uładzimira Dvornika.
«Vydatny kiraŭnik. Prabačcie mnie, Uładzimir Andrejevič… Ludzi vas pavažajuć, šanujuć. Vy ŭ ich vačach dobry kiraŭnik, lidar», — havoryć jana.
Dalej žančyna tłumačyć, što chacieła ŭratavać svajho muža. Taksama Iryna kaža, što chadziła na vybary ŭ 2020 hodzie i lubić Biełaruś.
Błohier Andrej Pavuk datelefanavaŭsia ŭ Mazyrski RAUS i zadaŭ pytańnie: ci možna krytykavać Uładzimira Dvornika? Načalnik adździeła unutranych spraŭ Mazyrskaha rajvykankama Andrej Małachaŭ adkazaŭ u hrubaj formie, što prostym hramadzianam hetaha rabić nielha.
Uładzimir Dvornik z 2010 da 2019 hoda byŭ staršynioj Homielskaha abłvykankama.
Byłyja kalehi, piša «Fłahštok», zapomnili jaho jak hrubaha kiraŭnika. Za čas kiravańnia ŭ vobłaści Dvornik prasunuŭ šerah darahich i nieadnaznačnych horadabudaŭničych prajektaŭ. Viadoma, što mienavita hety čynoŭnik inicyjavaŭ budaŭnictva skandalnaha fłahštoka ŭ Homieli. Samaj niedarečnaj inicyjatyvaj Dvornika, jakaja prasłaviła jaho za miežami Biełarusi, stała budaŭnictva prybiralni ŭ Homieli «za miljon dołaraŭ».
Paśla šerahu horadabudaŭničych skandałaŭ u Homieli i masavych vystupleńniaŭ haradžan suprać ekałahična škodnych prajektaŭ Łukašenka zamianiŭ Dvornika na bolš miakkaha kiraŭnika — Hienadzia Sałaŭja.
Pry hetym Dvornik zamiest panižeńnia atrymaŭ vyhadnuju pasadu na prybytkovym pradpryjemstvie Mazyra.
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?12
Chto toj palitviazień ź Ivanava, jaki vypłaciŭ $600 tysiač kampiensacyi za danaty i ŭsio adno atrymaŭ vialiki termin?
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary