U studzieni—kastryčniku abjom vytvorčaści źniziŭsia ŭ šaści ź dzieviaci halinaŭ pramysłovaści
Pavodle źviestak Nacyjanalnaha statystyčnaha kamiteta, u studzieni—kastryčniku 2009 hoda ŭ Biełarusi ŭ šaści ź dzieviaci halinaŭ pramysłovaści źniziŭsia abjom vytvorčaści.
Najbolšaje źnižeńnie abjomu vytvorčaści adbyłosia ŭ mašynabudavańni i mietałaapracoŭcy — na 27,6%adnosna anałahičnaha minułahodniaha pieryjadu, a taksama ŭ lasnoj, drevaapracoŭčaj i celułozna‑papiarovaj — na 23,1%.
U pramysłovaści budmateryjałaŭ źnižeńnie skłała 4,2%, u lohkaj pramysłovaści — 11,0%, elektraenierhietycy — 12,7%, čornaj mietałurhii — 5,2%.
U chimičnaj i naftachimičnaj pramysłovaści vytvorčaść u studzieni—kastryčniku pavialičyłasia na 30,3%, u paliŭnaj — na 10,5%, u charčovaj — na 2,1%.
Biełstat taksama apublikavaŭ źviestki padhalinaŭ.
Najbolšy pryrost pramysłovaj vytvorčaści za 10 miesiacaŭ adbyŭsia ŭ chimičnaj pramysłovaści (na 39,8%), najbolšaje źnižeńnie — u aŭtamabilnym mašynabudavańni (na 45,2%).
U cełym pa pramysłovaści ŭ studzieni—kastryčniku abjom vytvorčaści źniziŭsia na 4,5% u paraŭnańni z takim ža pieryjadam 2008 hoda i skłaŭ 101 trłn. 171,6 młrd. rubloŭ. Taksama nazirałasia źnižeńnie abjomu pramvytvorčaści ŭ kastryčniku adnosna vieraśnia na 1,9%.
Zhodna z prahnozam sacyjalna‑ekanamičnaha raźvićcia na 2009 hod, abjom pramysłovaj pradukcyi pavinien uzraści na 12%.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary