Niemaŭlatki płačuć intanacyjami rodnaje movy.
Niemaŭlatki płačuć intanacyjami rodnaje movy.
Pra heta piša Science News. Daśledavańni pad kiraŭnictvam antrapołaha Ketlin Viermkie pravodziłasia ŭ Viurcburhskim univiersitecie, Hiermanija.
U ekśpierymiencie brali ŭdzieł 60 zdarovych novanarodžanych: 30 z frankamoŭnych, 30 ź niamieckamoŭnych siemjaŭ.
Daśledčyki zapisali 2,5 tysiačy roznych «płačaŭ»: kali dzieciam mianiajuć padhuźniki, kali jany hałodnyja i h.d. U pałovie vypadkaŭ im udałosia dakładna ŭstalavać suviaź pamiž asablivaściami płaču i intanacyjami rodnaj movy. Dzieci ź niamieckich siemjaŭ pačynali płakać na vysokich tanach i zakančvali bolš nizkimi, dzieci z francuzskich siemjaŭ, naadvarot, padvyšali ton pa miery narastańnia płaču.
Navukoŭcy źviartajuć uvahu na toje, što znajomstva z hukami rodnaj movy dzicia pačynaje ŭžo na apošnich miesiacach ciažarnaści, pakolki jano čuje, što adbyvajecca pa‑za ŭłońniem. Daŭno viadoma, što dzieci ad naradžeńnia adroźnivajuć hołas maci ad hałasoŭ inšych ludziej, a taksama rodnuju movu — ad inšych moŭ. Niemaŭlaty taksama sprabujuć kapijavać rodnuju movu ad samaha naradžeńnia.
Zdolnaść dziciaci ŭsprymać huki raźvivajecca ŭžo na 19 tydni. Heta aktyŭna vykarystoŭvajuć prychilniki prenatalnaha vychavańnia. Jany ličać, što «muzyčnaje vychavańnie» niemaŭlaci da rodaŭ choć i nie farmiruje muzyčny hust, adnak akazvaje pazityŭny ŭpłyŭ na paźniejšaje sensamatornaje, moŭnaje, emacyjnaje, sacyjalnaje i fizičnaje raźvićcio małoha.
Kamientary