Patrušaŭ zajaviŭ, što Rasija źniščyła 13 tysiač ukrainskich vajskoŭcaŭ padčas kontrnastupu
Straty Kijeva padčas ukrainskaha kontrnastupleńnia ŭžo pieravysili 13 tysiač čałaviek. Hetuju ličbu nazvaŭ sakratar Rady biaśpieki RF Mikałaj Patrušaŭ padčas narady ŭ Pucina.
Pa słovach Patrušava, heta abahulnienyja danyja za 4-21 červienia, jakija pastupili ad roznych viedamstvaŭ.
Rasijskija vajskoŭcy taksama źniščyli ŭžo 246 ukrainskich tankaŭ, u tym liku 13 ź ich — zachodniaha ŭzoru, zadziejničanych padčas kontrnastupu, jak piša «Sputnik».
Na minułym tydni Łukašenka zajaviŭ, što Ukraina straciła padčas kontrnastupu 120-150 tysiač čałaviek;
«Kontrnastup [USU] 4-ha, 5-ha čysła pačaŭsia. Vy navat nie zaŭvažyli, my nazirajem, što tam adbyvajecca. Dyk voś, za hety čas ukraincaŭ zahinuła kala 40 tysiač. Zahinuła. I bolš za 100 nie viernucca: paranienyja. Razumiejecie, amal 120-150 tysiač. I «Bredli» harać, «Leapardy» harać, jak našy savieckija tanki. Ale rasijanie navučylisia vajavać. Kontrnastupleńnie idzie, kułak idzie — 30-50 tankaŭ, ludzi iduć tysiačami, i jany nie dachodziać navat da piaredniaha kraju rasijskaha», — padzialiŭsia tady svaim bačańniem padziej Łukašenka.
U hety ž čas Minabarony RF na minułym tydni ahučyła svaje ličby.
«Z 4 červienia ŭkrainskija Uzbrojenyja siły stracili tolki na linii bajavoha sudakranańnia kala 7,5 tysiačy čałaviek zabitymi i paranienymi, nie ličačy zahinułych vajskoŭcaŭ u vyniku prymianieńnia rasijskaj vysokadakładnaj zbroi vialikaj dalokaści i avijacyi ŭ hłybini ŭkrainskaj terytoryi», — cytavali infarmacyju Minabarony RF rasijskija miedyja.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary
A voobŝie, po svodkam MO RF, oni po tri raza, po kruhu, uničtožili VSU Ukrainy.
Prihožinku bolšie viery, čiem pujłu i patrušievu s šojhu.....