Hramadstva88

«Pamiežnik skazaŭ, što ja mahu viarnucca da 31 lipienia, ale ŭsio pajšło nie tak». Biełarusa z praciahnutaj vizaj nie puskali ŭ Polšču

Epidemičny stan u Polščy admianili z 1 lipienia. Heta značyć, što pa praciahnutych praz pandemiju dakumientach možna lehalna znachodzicca ŭ Polščy jašče miesiac, a potym — usio. Ale ci možna pierasiakać miažu ŭ hety «pierachodny» miesiac, dahetul było niajasna: naŭprost heta nie paznačana, a traktavać možna jak zaŭhodna. Telehram-kanał Dzik Pic znajšoŭ biełarusa, jaki dniami prarabiŭ hety šlach, choć i nie biez pryhod.

Fota ilustracyjnaje

«Pracoŭny DNŽ ja pavinien atrymać litaralna voś-voś, maja «karta pobytu» ŭ pracesie vyrabu. Ale zabrać jaje ja da adpačynku nie paśpieŭ i palacieŭ u Turcyju z praciahnutaj vizaj.

Pryčym, kali ja vylataŭ z Polščy, spytaŭ u pamiežnika, ci nie budzie prablem? Toj skazaŭ, što ja mahu viarnucca z hetaj vizaj u Polšču da 31 lipienia.

Ale dalej usio pajšło nie tak.

Pazaŭčora nastupiŭ dzień vyletu, i mianie prosta nie puścili na samalot Pegasus z Turcyi ŭ Hdańsk. Kažuć, termin vizy minuŭ, i my takich nie biarom na bort.

U vyniku bilet zhareŭ, a ja kupiŭ najbližejšy kvitok da Minska i źniaŭ numar na sutki.

«Biełavija» da Minska abyšłasia mnie ŭ 550 jeŭra, plus hatel dzieści 120 jeŭra i ŭsialakija vydatki nakštałt taksi jašče źvierchu. Ale i ŭ Minsku mianie nie puścili ŭ aŭtobus Intercars da Varšavy. Pryčyny tyja ž: viza skončyłasia.

Ale nadziei ja nie hublaŭ i pasprabavaŭ trapić u Polšču inšym šlacham: dajechaŭ na ciahniku da Bresta, a adtul paprasiŭ znajomych na mašynie advieźci mianie ŭ Varšavu. Kažuć, možna padjechać prosta da čarhi na miažy i paprasicca, kab pravieźli za hrošy — bolšaść tak jedzie da Bielska-Biały na zakupy.

Jak ja zrazumieŭ, avijakampanii hladziać tolki vizu, a nie ŭ zakon. A aŭtobusnyja kampanii raskazali kiroŭcam tolki pra zakon ab admienie epidemičnaha stanu z 1 lipienia, a pra toje, što vizy dziejničajuć jašče 30 dzion, zabylisia.

Tolki polskija pamiežniki ŭ kursie situacyi: skazali, što da kanca miesiaca možna jeździć spakojna, ale nahadali, što mnie treba atrymać «pobyt» da kanca miesiaca.

Tak što kali vam treba pierasiekčy miažu z praciahnutaj vizaj, to lepš rabić heta praz punkt propusku ŭ Breście: tam lahčej za ŭsio znajści kaho-niebudź da Polščy, bo ź Minska ŭsie jeduć praź Litvu.

Ja sprabuju stavicca da hetaha pa-fiłasofsku: u cełym usie žyvyja i zdarovyja, ale hrošy za avijakvitok budu sprabavać viarnuć u avijakampanii», — raskazaŭ biełarus.

Kamientary8

  • Vadzim
    05.07.2023
    Aŭtobusnyja kampanii z padoŭžanymi vizami i tak nie brali. Ekałajns nikoli nie braŭ ź Biełarusi, a na pačatku navat admaŭlaŭ u pasadcy ŭ Varšavie. Minsktrans apošni hod taksama ŭ Biełarusi z padoŭžanymi vizami nie sadziŭ. U Biełaruś - biez prablem.

    Nu a avijakampanii zaŭsiody hladzieli tolki na vizu.
  • Vadzim
    05.07.2023
    I, darečy, pobyt nieabaviazkova atrymlivać da kanca miesiaca. Z momantu padačy na pobyt da momantu atrymańnia karty vy ŭ Polščy možacie znachodzicca lehalna, navat kali vizy niama. A voś kab miažu pierasiakać - patrebien pobyt
  • Vadzim
    05.07.2023
    Zahałovak tolki realna durny. Nie puskali nie ŭ Polšču, a na samalot i ŭ aŭtobus. A to ja ŭžo padumaŭ što niešta źmianiłasia. A tut nie, usio jak i było apošnija hady

Ciapier čytajuć

Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?14

Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?

Usie naviny →
Usie naviny

U Biełarusi źjavilisia pasłuhi ciełaachoŭnikaŭ. Kolki kaštuje hadzina?2

«Praz 9 miesiacaŭ uźnikli pytańni». Pachod u abmieńnik dla 80-hadovaha mužčyny skončyŭsia vialikimi niepryjemnaściami

Ministr abarony Litvy: U NATA jość 3-4 hady, kab padrychtavacca da vialikaj vajny ŭ Jeŭropie10

«Nam nie patrebnyja pasiaredniki, nam patrebnyja sajuźniki». Ukrainski dypłamat rezka vykazaŭsia ab vynikach Miunchienskaj kanfierencyi3

Litoŭskaja firma mahła tajemna sačyć za amierykanskimi vajskoŭcami ŭ Jeŭropie i pradavać ich danyja trecim asobam6

«Ty budieš sotrudničať, b*, ili niet?» Jak u Biełarusi schilajuć da supracoŭnictva sa śpiecsłužbami7

ZŠA praviaduć dvuchbakovyja pieramovy z Rasijaj i Ukrainaj, a ŭžo potym — sumiesnyja2

«Isnuje prajekt pa stvareńni adzinaha katałoha franšyz Sajuznaj dziaržavy». Jak u Biełaruś zachodziać rasijskija sietki kram i kafe7

«Kali pieramovy stanuć «novaj Jałtaj», to mienavita Biełaruś ryzykuje stać maŭklivaj achviaraj vialikaj amaralnaj ździełki»24

bolš čytanych navin
bolš łajkanych navin

Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?14

Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?

Hałoŭnaje
Usie naviny →

Zaŭvaha:

 

 

 

 

Zakryć Paviedamić