«Ja zarežu ciabie i tvaju dačku» — padrabiaznaści zatrymańnia chakieista Aleksa Halčaniuka ŭ ZŠA
Halčaniuka abvinavačvajuć u avaryi, uciokach ź miesca zdareńnia, chulihanstvie, niepadparadkavańni, supraciŭleńni aryštu, pahrozach i zapałochvańni.
Paviedamlajecca, što palicyja prybyła na vyklik paśla infarmacyi, što bieły BMV na stajancy zakranuŭ bardziur, znak i pryparkavanuju susiedniuju mašynu, a kiroŭca BMV lažaŭ na stajancy, piša «Trybuna».
U palicejskim raparcie byli pryviedzieny cytaty syna byłoha forvarda zbornaj Biełarusi, jakija toj adrasavaŭ palicyjantam padčas zatrymańnia.
- «Ja zarežu ciabie i tvaju dačku».
- «Adpuścicie mianie, ci ja zrablu adno telefanavańnie».
- «Ty nikoli nie ŭbačyš svaju siamju, jak heta strašna».
- «Adno telefanavańnie — i vy ŭsie miortvyja, usia vaša siamja, uvieś vaš rod miortvy».
Palicejskija ŭ raparcie taksama adznačyli, što chakieist nieadnarazova abražaŭ ich pa rasavaj prykmiecie, byŭ mocna pjany i jaho maŭleńnie było nievyraznym.
«Aryzona» pačała praces skasavańnia kantrakta z Halčaniukom paśla taho, jak stała viadoma, što chakieist byŭ aryštavany 9 lipienia.
Halčaniuk pravioŭ 654 matčy ŭ NCHŁ i nabraŭ 354 (146+208) ački.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie59
Kamientary