«Я зарэжу цябе і тваю дачку» — падрабязнасці затрымання хакеіста Алекса Гальчанюка ў ЗША
Гальчанюка абвінавачваюць у аварыі, уцёках з месца здарэння, хуліганстве, непадпарадкаванні, супраціўленні арышту, пагрозах і запалохванні.
Паведамляецца, што паліцыя прыбыла на выклік пасля інфармацыі, што белы БМВ на стаянцы закрануў бардзюр, знак і прыпаркаваную суседнюю машыну, а кіроўца БМВ ляжаў на стаянцы, піша «Трыбуна».
У паліцэйскім рапарце былі прыведзены цытаты сына былога форварда зборнай Беларусі, якія той адрасаваў паліцыянтам падчас затрымання.
- «Я зарэжу цябе і тваю дачку».
- «Адпусціце мяне, ці я зраблю адно тэлефанаванне».
- «Ты ніколі не ўбачыш сваю сям'ю, як гэта страшна».
- «Адно тэлефанаванне — і вы ўсе мёртвыя, уся ваша сямʼя, увесь ваш род мёртвы».
Паліцэйскія ў рапарце таксама адзначылі, што хакеіст неаднаразова абражаў іх па расавай прыкмеце, быў моцна пʼяны і яго маўленне было невыразным.
«Арызона» пачала працэс скасавання кантракта з Гальчанюком пасля таго, як стала вядома, што хакеіст быў арыштаваны 9 ліпеня.
Гальчанюк правёў 654 матчы ў НХЛ і набраў 354 (146+208) ачкі.
Цяпер чытаюць
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай8
Статкевіч пра «Ноч музеяў» у Мінску: Мы зразумелі, што людзі апладзіравалі не саксафаністу, а нам з жонкай
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары