Vyznačyli, jak buduć zdavać moŭny test achvotnyja atrymać biełaruskaje hramadzianstva
U Biełarusi zaćvierdzili instrukcyju pa acency ŭzroŭniu viedańnia adnoj ź dziaržaŭnych moŭ u miežach, nieabchodnych dla znosin, dla asoby, jakaja padaje zajavu ab nabyćci biełaruskaha hramadzianstva. Zroblena heta pastanovaj MUS i MZS ad 22 červienia 2023 hoda № 138/9, apublikavanaj na Nacyjanalnym pravavym partale.
Pavodle zaćvierdžanych pravił, zajaŭnik maje vykonvać test u piśmovaj formie. Jahonyja pytańni zaćviardžajucca pieršym namieśnikam ministra ŭnutranych spraŭ i pieryjadyčna abnaŭlajucca nie radziej za adzin raz na 5 hadoŭ.
Rychtuje pytańni Departamient pa hramadzianstvie i mihracyi MUS z udziełam supracoŭnikaŭ ustanoŭ adukacyi. Pravodzić test słužbovaja asoba orhana ŭnutranych spraŭ abo orhana dypłamatyčnaj słužby, jaki prymaje dakumienty nakont nabyćcia hramadzianstva.
Vybiraje, jakuju dziaržaŭnuju movu budzie zdavać, zajaŭnik, abiedźvie viedać nie patrabujecca.
Na vykanańnie testu advodzicca 45 chvilin. Adkazy zapaŭniajucca ŭ prysutnaści słužbovaj asoby razborlivym počyrkam.
Vykarystańnie pryład dla pryjomu, zachoŭvańnia, pieradačy źviestak, a taksama daviedačnaj infarmacyi na lubym nośbicie nie dazvalajecca. Kali zajaŭnik praź fizičnyja niedachopy abo chvaroby nie moža ŭłasnaručna vykanać i padpisać test, dapuskajecca zapaŭnieńnie testa sa słoŭ zajaŭnika słužbovaj asobaj.
Vyniki testavańnia ličacca admoŭnymi pry kolkaści pravilnych adkazaŭ mienšaj za 60 pracentaŭ, pry parušeńni paradku testavańnia, pry admovie ad testavańnia.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1919
Kamientary
"Ne duric' mne bashka svoi belaruskiy mova!"