13-hadovy chłopčyk vyžyŭ, zvaliŭšysia ŭ Vialiki kańjon z vyšyni 30 mietraŭ. I ŭsio praz čužoje fota
Ratavalnikam spatrebiłasia dźvie hadziny, kab spuścicca da miesca padzieńnia chłopčyka i vyciahnuć jaho ŭ biaśpiečnaje miesca. Viata pryvieźli ŭ balnicu ź ciažkimi traŭmami, ale praź niekalki dzion vypisali, paviedamlaje Bi-bi-si.
13-hadovy padletak Viat Kaŭfman vyžyŭ paśla padzieńnia z 30-mietrovaj vyšyni ŭ Nacyjanalnym parku «Hrand kańjon» u amierykanskim štacie Aryzona.
Ratavalnikam spatrebiłasia dźvie hadziny, kab spuścicca da miesca padzieńnia chłopčyka i vyciahnuć jaho ŭ biaśpiečnaje miesca. Viata pryvieźli ŭ balnicu ź ciažkimi traŭmami, ale praź niekalki dzion vypisali.
Padletak raspavioŭ miascovamu telebačańniu, što sarvaŭsia ŭniz, kali adyšoŭ ubok, kab nie pieraškadžać ludziam rabić fota. Jon prysieŭ i trymaŭsia adnoj rukoj za kamień, kali straciŭ raŭnavahu i pačaŭ padać.
U vyniku padzieńnia chłopčyk złamaŭ ruku i dzieviać pazvankoŭ, traŭmavaŭ lohkija i razarvaŭ sielazionku.
Jaho dastavili ŭ balnicu pa pavietry.
«Ja nie pamiataju, što zdaryłasia paśla padzieńnia, — raspavioŭ jon miascovamu telekanału KPNX, znachodziačysia ŭ balnicy. — Adryvista pamiataju, jak ačuniaŭ u zadniaj častcy «chutkaj», potym u viertalocie, paśla hetaha mianie pieranieśli ŭ samalot, i voś ja tut».
Da vyratavalnych rabot pryciahnuli dziasiatki rabotnikaŭ nacyjanalnaha parku «Hrand kańjon», jakija spuścilisia sa skały paśla taho, jak stała zrazumieła, što vyciahnuć Viata viertalotam nie atrymajecca praź śpiecyfičny reljef miascovaści.
Niahledziačy na vialikuju kolkaść traŭmaŭ, padletka ŭžo vypisali z balnicy. Jaho advieźli dadomu.
«My vielmi ŭdziačnyja ŭsim za pracu, — skazaŭ baćka chłopčyka Brajan Kaŭfman, jaki padčas niaščasnaha vypadku znachodziŭsia doma ŭ Paŭnočnaj Dakocie.
— Nam vielmi pašancavała, što my advieźli našaha syna dadomu ŭ mašynie na piarednim siadzieńni, a nie ŭ trunie».
Kamientary