Rasija zabyła pra «demilitaryzacyju» i «denacyfikacyju», hatovaja paskarać praces na pieramovach z Ukrainaj
Užo zaŭtra, 12 listapada, Styŭ Uitkaf i Džared Kušnier iznoŭ sustrenucca z Uładzimiram Pucinym. A zajavy Miadzinskaha, daradcy Uładzimira Pucina, kantrastujuć z tonam jaho raniejšych zajaŭ.
Centralnaj temaj trochbakovych pieramoŭ u Abu-Dabi stała abmierkavańnie budučaj architektury biaśpieki ŭ Jeŭropie paśla zaviaršeńnia ŭkrainskaha kanfliktu, zajaviŭ žurnalistam kiraŭnik rasijskaj delehacyi Uładzimir Miadzinski.
«Śvietu patrebnaja novaja, sučasnaja, abnoŭlenaja sistema biaśpieki, spraviadlivaja, nie na škodu niejkim asobnym krainam. Nad hetym budziem pracavać», — skazaŭ jon pa vynikach druhoha dnia pieramovaŭ. Pavodle jaho słoŭ, kanflikt va Ukrainie pakazaŭ, što «dziejnaja sistema biaśpieki ŭ Jeŭropie pracuje drenna».
Zajavy Miadzinskaha, daradcy Uładzimira Pucina, kantrastujuć ź jaho vykazvańniami paśla minułych raŭndaŭ pieramovaŭ. U pryvatnaści, bolš niama zhadak pra «demilitaryzacyju» i «denacyfikacyju» Ukrainy — rasijskija «eŭfiemizmy» dla padkantrolnaści Rasii i rusifikacyi.
Zamoŭkli pra heta i rasijskaja, i łukašenkaŭskaja mašyny prapahandy.
U toj ža čas Miadzinski ŭ zajavie dla žurnalistaŭ u Abu-Dabi zrabiŭ akcent na humanitarnych pytańniach. Baki damovilisia pra novy maštabny abmien pałonnymi, kankretnyja paramietry jakoha abvieściać najbližejšym časam.
Anansujecca, što na radzimu mohuć viarnucca navat pa paŭtary tysiačy pałonnych. Sami maštaby abmienu pakazvajuć na stupień ciažkaściej rasijskaj armii — kali ŭ pałon traplaje až takaja kolkaść vajskoŭcaŭ.
Z ukrainskaha boku bolšaść pałonnych pa-raniejšamu składajuć ludzi, jakija trapili ŭ ruki rasijan u Maryupali i padčas pieršaha vierałomnaha ŭdaru.
Maskva, zdajecca, demanstruje hatoŭnaść paskorać pieramoŭny praces.
Užo zaŭtra, 12 listapada, Styŭ Uitkaf i Džared Kušnier iznoŭ sustrenucca z Uładzimiram Pucinym. Dla hetaha jany adpraviacca ŭ Maskvu. Paśla hetaha moža adbycca ich sustreča z prezidentam Ukrainy Uładzimiram Zialenskim. Miarkujecca, što heta adbudziecca ŭ Dublinie, Irłandyja.
Pieramovy pamiž RF, ZŠA i Ukrainaj prajšli ŭ Abu-Dabi 10—11 listapada. U pieršy dzień sustreča praciahvałasia kala čatyroch hadzin, u druhi — trochi mienš za dźvie hadziny. Ukrainskuju delehacyju ŭznačalvaŭ kiraŭnik Słužby zamiežnaj raźviedki Ukrainy Rustem Umieraŭ, rasijskuju — pamočnik Pucina Uładzimir Miedzinski. Taksama za stałom pieramoŭ na momant ich pačatku prysutničali emisary ZŠA Styŭ Uitkaf i Džared Kušnier i ŭpieršyniu — hałoŭnakamandujučy siłami NATA ŭ Jeŭropie Aleksus Hrynkievič. Paviedamlałasia, što pieramovy buduć nakiravanyja na abmierkavańnie klučavych aśpiektaŭ farmiravańnia novaha kompleksu biaśpieki ŭ paślavajenny pieryjad. Čakałasia, što ŭdzielniki sustrečy skancentrujucca na vypracoŭcy miechanizmaŭ praduchileńnia pahroz i ŭmacavańnia rehijanalnaj stabilnaści.
Rost strat rasijskaj armii pryvioŭ da spynieńnia rasijskaha nastupu. U 2025 hodzie Rasija akupavała mienš za 1% terytoryi Ukrainy koštam straty prykładna 150 tysiač vajskoŭcaŭ zabitymi. Za 10 miesiacaŭ 2026 hoda Rasija zaniała kala 0,1% terytoryi, pry tym što straty pieravyšajuć minułahodnija. Taki košt prasoŭvańnia moža być nieprymalny navat dla abiesčałaviečanaha rasijskaha hramadstva.
Dvaistaja rytoryka prezidenta ZŠA Donalda Trampa sparadžała ŭ Kramla nadziei, što jamu ŭdasca spakusić Vašynhton na padzieł Jeŭropy na śfiery ŭpłyvu ŭzamien za dopusk amierykanskich karparacyj da raspracoŭki rasijskich pryrodnych resursaŭ. Napad ZŠA i Izraila na Iran pryvioŭ da skačka cenaŭ na enierhanośbity, jaki nie tolki prynios zvyšprybytki amierykanskim naftahazavym kampanijam, ale i napoŭniŭ rasijski vajenny biudžet. Adnak dapamoha krain Jeŭropy kampiensavała Ukrainie stratu amierykanskaj padtrymki, ukrainskaja armija vystajała. A pravał trampistaŭ na vybarach u Kanhres kančatkova pastaviŭ pad sumnieŭ spadziavańni Kramla.
Pakazalna, što novy raŭnd pieramovaŭ pa Ukrainie Maskva i Vašynhton adkładali na paśla vybaraŭ u Kanhres.
Za tydzień pierad pieramovami Ukraina naniesła ŭdary pa siami naftapierapracoŭčych kompleksaŭ Rasii, vyvieŭšy z ładu da 30 pracentaŭ mahutnaściej. U vyniku z paniadziełka, 9 listapada «Rasnafta» ŭviała abmiežavańni na prodaž paliva na ŭsich zapraŭkach Rasii. Unačy miž pieršym i druhim dniom pieramovaŭ Ukraina naniesła ŭdar pa naftavym terminale «Navateku» va Uść-Łuzie pad Picieram.
Na pieramovach u Abu-Dabi ŭpieršyniu prysutničaŭ kamandujučy siłami NATO ŭ Jeŭropie hienierał Aleksus Hrynkievič — prykmieta taho, što Maskva pajšła na bolš pradmietnyja razmovy. Na pieramovy ŭpieršyniu prybyła i jeŭrapiejskaja delehacyja, ź jakoj kaardynuje svaje dziejańni ŭkrainski bok.
Rasijskaja i łukašenkaŭskaja prapahanda pry hetym siońnia robić akcent na tym, što jeŭrapiejcaŭ za stoł pieramovaŭ nie dapuścili.
«Pradstaŭniki ZŠA byli adnym z aktyŭnych bakoŭ pieramoŭ — Jeŭropie varta było b u ich pavučycca ŭ žadańni dasiahnuć miru, — havorycca ŭ rasijskim paviedamleńni pa vynikach pieramovaŭ. — Maskva nie atrymlivała nivodnaj kankretnaj mirnaj prapanovy ad jeŭrapiejskich krain. Kiraŭnictva krain Jeŭropy pa sutnaści zajmajecca hrupavym abmanam ukrainskaha naroda».
«Jany [jeŭrapiejcy] zmohuć stać udzielnikami mirnych pieramoŭ, kali ŭ ich pračniecca sumleńnie, — pafasna zajaviŭ Uładzimir Miadzinski i dadaŭ. — Kožnaja piadzia rasijskaj ziamli tak ci inakš budzie viernutaja».
Kamientary