U Rasii eks-ministra rodam ź Biełarusi asudzili paŭtorna — jamu siadzieć jašče 14 hadoŭ
Pieršy prysud Michaiłu Abyzavu vynieśli ŭ śniežni 2023 hoda.
Tahanski sud Maskvy vynies druhi prysud byłomu ministru pa pytańniach Adkrytaha ŭrada Michaiłu Abyzavu. Na hety raz jaho pryznali vinavatym pa spravie ab machlarstvie ź inviestycyjami Rasijskaj vienčurnaj kampanii (RVK), piša Moskvichmag.
Pavodle viersii śledstva, u 2016 hodzie Abyzaŭ arhanizavaŭ kradziež 5 młn dalaraŭ, jakija dziaržaŭnaja RVK inviestavała ŭ amierykanskuju kampaniju Alion Energy, što zajmałasia soniečnaj enierhietykaj. Hrošy pryznačalisia dla raźvićcia pierśpiektyŭnych technałohij, adnak, pavodle viersii abvinavačańnia, byli vyviedzienyja praz padkantrolnyja struktury i prysvojenyja.
Abyzaŭ nie pryznaŭ svaju vinu. Jon śćviardžaŭ, što sam układaŭ srodki ŭ Alion Energy i straciŭ hrošy razam ź inšymi inviestarami. Bok abarony nastojvaŭ, što niaŭdałaja vienčurnaja inviestycyja nie raŭnaznačnaja machlarstvu.
Z ulikam papiaredniaha prysudu kančatkovy termin skłaŭ 14 hadoŭ kałonii. Taksama jamu pryznačyli dadatkovy štraf bolš za 80 młn rasijskich rubloŭ (kala miljona dalaraŭ). Prakuratura prasiła pryznačyć eks-ministru vosiem hadoŭ pazbaŭleńnia voli pa novaj spravie, a pa sukupnaści z papiarednim prysudam — 15 hadoŭ kałonii strohaha režymu i štraf 90 młn rubloŭ.
Pieršy prysud Abyzavu vynieśli ŭ śniežni 2023 hoda. Praabraženski sud Maskvy pryznačyŭ jamu 12 hadoŭ kałonii strohaha režymu i štraf u pamiery 80 młn rubloŭ za stvareńnie złačynnaj supolnaści, machlarstva i inšyja złačynstvy.
Sud vyznačyŭ, što Abyzaŭ i jahonyja saŭdzielniki ŭ 2011—2014 hadach skrali kala 4 młrd rubloŭ u bujnych navasibirskich enierhietyčnych kampanij «Sibeka» i «Rehijanalnyja elektryčnyja sietki». Dla hetaha, zhodna z prysudam, vykarystoŭvalisia fiktyŭnyja ździełki pa nabyćci akcyj praz kiprskuju kampaniju pa zavyšanych cenach.
Byłoha ministra taksama pryznali vinavatym u niezakonnym udziele ŭ pradprymalnickaj dziejnaści.
Michaił Abyzaŭ naradziŭsia ŭ Minsku ŭ 1972 hodzie, vučyŭsia tam u škole paśla čaho pierabraŭsia ŭ Maskvu. Abyzava aryštavali viasnoj 2019 hoda pa abvinavačańni ŭ kradziažy i vyvadzie za miažu čatyroch miljardaŭ rasijskich rubloŭ. U 2023 hodzie jaho prysudzili da 12 hadoŭ kałonii i štrafu 80 młn rasijskich rubloŭ (kala miljona dalaraŭ).
Ciapier čytajuć
Sudździ, jakija płakali, sudździ, jakija atrymlivali asałodu, i sudździ, jakija prynižalisia pierad milicyjaj3
Kamientary
Lubimaja schiema: uziać kredyt ci damovu pa pastaŭcy čaho-niebudź a potym, kali nie vyharyć prydbać zakład i ź im pajści ŭ nastupnuju ździełku. Pahareŭ, kali pytaŭsia hetak raźvieźci bolš zubastych hanhstaraŭ z Alfa-hrup. Tyja pajšli adrazu da Pucina.
Darečy, a jak jon staŭ bahatym? U 1995 hodzie pastaviŭ u Sibir pad załoh akcyj paliva z Mazyrskaha NPZ... Za paliva nie raspłacilisia, jon atrymaŭ akcyi.
Cikava, chto tady byŭ pa hetaj temie va ŭradzie, naŭraćci Kupryjanaŭ sam by na takoje palez. Kokaraŭ? Marynič? Ci vyšej?