Homielski milicyjanier asudžany na 10 hadoŭ za zbyt narkotykaŭ
Sud Savieckaha rajona Homiela pryhavaryŭ milicyjaniera ŭzvoda patrulna‑pastavoj słužby adździeła ŭnutranych spraŭ na transparcie 24‑hadovaha žychara abłasnoha centra da 10 hadoŭ pazbaŭleńnia voli za zbyt narkatyčnych srodkaŭ. Prysud pakul nie nabyŭ zakonnuju moc, u abvinavačanaha jość čas na abskardžańnie.
Jak paviedamiŭ staršy pamočnik prakurora Savieckaha rajona Jaŭhien Dziadkoŭski, milicyjaniera zatrymali ŭ červieni 2009 hoda pavodle padazreńnia ŭ zbycie marychuany. Narkotyk byŭ zahornuty ŭ staronku viedamasnaj haziety «Na stražie». Abvinavačany handlavaŭ marychuanaj u futlarach ad CD, jamu telefanavali, prasili pradać «dyski», što aznačała prodaž «dozy».
Padčas śledstva abvinavačany zajaviŭ, što zachoŭvaŭ narkotyki dla siabie i nibyta znajšoŭ ich u lesie. Epizody sa zbytam marychuany milicyjanier nie pryznaŭ. Narkotyki znajšli ŭ jaho pa miescy žycharstva, u haražy i ŭ aŭtamabili, jaki naležyć baćku, a taksama ŭ raździavalni na słužbie.
Razam ź milicyjanieram sudzili dvuch hamialčan, 1986 i 1989 hadoŭ naradžeńnia, jakija kuplali ŭ jaho marychuanu z metaj zbytu. Jany pakarany piaćciu i šaściu hadami pazbaŭleńnia voli.
Apošnim časam heta nie pieršy taki sudovy praces u Homielskaj vobłaści — 29 kastryčnika sud Kalinkavickaha rajona pryhavaryŭ da vaśmi hadoŭ pazbaŭleńnia voli abvinavačanaha ŭ prodažy marychuany 25‑hadovaha miascovaha žychara, jaki słužyŭ u rocie pałka PPSM u Mazyry.
U abodvuch vypadkach milicyjaniery zvolnieny sa słužby.
Što prapanavać Łukašenku za palitviaźniaŭ? Sprečka Stryžaka z Chomič8
Kamientary