Heta treci taki vizit biełaruskaha jepiskapatu ŭ Vatykan i pieršy — da papy Bieniedykta XVI. Na apošni dzień vizitu, 17 śniežnia, pryznačana sustreča biełaruskich ijerarchaŭ z pantyfikam.
11 śniežnia pačaŭsia vizit ad limina apostolorum (da apostalskich parohaŭ, ci da hrabnic śviatych apostałaŭ) biełaruskich biskupaŭ u Vatykan,
paviedamiŭ pres‑sakratar Biełaruskaj rymska‑katalickaj carkvy ksiondz Alaksandr Amialčenia.
Heta treci taki vizit biełaruskaha jepiskapatu ŭ Vatykan i pieršy — da papy Bieniedykta XVI. Na apošni dzień vizitu, 17 śniežnia, pryznačana sustreča biełaruskich ijerarchaŭ z pantyfikam.
Biskupy naviedajuć usie čatyry rymskija baziliki, dzie voźmuć udzieł u nabaženstvach. Kulminacyjaj vizitu stanuć dźvie sustrečy z pantyfikam. Spačatku kožny biskup paasobku sustreniecca z papam,
a 17 śniežnia śviaty ajciec źvierniecca da ŭsioj kanfierencyi biełaruskich biskupaŭ z pasłańniem, jakoje rychtujecca na asnovie spravazdač i vusnych paviedamleńniaŭ ijerarchaŭ. Hetaje pasłańnie źjaŭlajecca prahramnym, i papa robić u im akcent na pytańniach, jakija patrabujuć vyrašeńnia dziela dalejšaha raźvićcia carkvy.
Jak adznačyŭ mitrapalit Minska‑Mahiloŭski arcybiskup Tadevuš Kandrusievič, vizit
ad limina — heta jak rachunak sumleńnia biskupa, a praź biskupa — i ŭsioj dyjacezii.
«Siarod prablem, jakija nieabchodna ŭźniać, — małaja kolkaść kaściołaŭ u dyjacezijach, u majoj u pryvatnaści, i asabliva ŭ Minsku. Padčas apošniaha vizitu ad limina biskupaŭ ź Biełarusi ŭ Vatykan u 2003 hodzie Jan Pavieł II adznačaŭ, što nieabchodna intensifikavać budaŭnictva kaściołaŭ u Minska‑Mahiloŭskaj archidyjacezii. Vialikaj prablemaj źjaŭlajecca niedachop śviataroŭ, duchoŭnaje i intelektualnaje vychavańnie śvieckich, padrychtoŭka relihijnaj litaratury na biełaruskaj movie. Ja nie baču pierśpiektyvy raźvićcia kaścioła ŭ Biełarusi biez uklučeńnia ŭ hety praces maśmiedyja. Patrabuje ŭdaskanaleńnia i dabračynnaja dziejnaść. Važnym pytańniem źjaŭlajecca padpisańnie pahadnieńnia pamiž Biełaruśsiu i Vatykanam. Niesumnienna, ja budu havaryć i pra toje, što Biełaruś čakaje śviatoha ajca», — skazaŭ Kandrusievič.
Mitrapalit płanuje ŭźniać pierad papam pytańnie stanu i pierśpiektyŭ raźvićcia dyjałohu z pravasłaŭnaj carkvoj, mižchryścijanskaha i mižrelihijnaha dyjałohu, prablemu vychavańnia moładzi.
Vizity ad limina apostolorum adbyvajucca raz u piać hadoŭ. Spačatku biskupy rychtujuć spravazdačy ab žyćci svajoj dyjacezii, jaje prablemach i pierśpiektyvach. Padrychtavanyja dakumienty za paŭhoda da vizitu vysyłajucca ŭ Vatykan, dzie razhladajucca i vyvučajucca. Vizit adbyvajecca ŭ ramkach vyznačanaj prahramy.
Ciapier čytajuć
Kačanava prapanavała ŭvieści adkaznaść za «niapraŭdu ŭ tyktoku»13
Kačanava prapanavała ŭvieści adkaznaść za «niapraŭdu ŭ tyktoku»
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary