Pryvatyzacyja kompleksu «Naftan‑Palimir» z udziełam rasijskich kampanijaŭ adbudziecca najbližejšym časam, — paviedamiŭ vice‑premjer urada Biełarusi Uładzimir Siamaška.
Pryvatyzacyja kompleksu «Naftan‑Palimir» z udziełam rasijskich kampanijaŭ adbudziecca najbližejšym časam, — paviedamiŭ vice‑premjer urada Biełarusi Uładzimir Siamaška.
«Najbližejšym časam moža adbycca ŭhoda pa kompleksie «Naftan‑Palimir», mahčymy ŭdzieł «Łukojła» ci inšych rasijskich kampanij», — udakładniŭ Siamaška.
«My znachodzimsia ŭ stanie nizkaha startu», — skazaŭ čynoŭnik. Jon udakładniŭ, što praktyčna 100% akcyjaŭ kompleksu znachodzicca va ŭłasnaści dziaržavy.
Akramia zaklučeńnia pryvatyzacyjnaj uhody pa rynkavaj canie, Biełaruś pradjaŭlaje da inviestara patrabavańni zabiaśpiečyć zahruzku kompleksu syravinaj i harantavać najaŭnaść rynkaŭ zbytu.
«Rasijskija naftavyja kampanii nas u hetym vypadku najlepšym čynam zadavalniajuć», — cytuje «Interfaks» namieśnika kiraŭnika ŭrada.
Pryvatyzacyja «Naftana» praduhledžana prajektam mižuradavaha pahadnieńnia ab pašyreńni supracoŭnictva z Rasiejaj u paliŭna‑enierhietyčnym kompleksie, jakoje miarkujecca zaklučyć u lutym 2010 hoda.
Pavodle Siamaški, prajekt taksama praduhledžvaje dopusk biełaruskaj dziaržkampanii «Biełarusnafta» da raźviedvańnia i raspracoŭki radoviščaŭ enierhanośbitaŭ i da zdabyčy nafty i hazu na terytoryi Rasii.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary