Nakolki vyraście zimoj apłata za kamunalnyja pasłuhi, raskazali ŭ Ministerstvie ŽKH
Namieśnik ministra žyllova-kamunalnaj haspadarki Andrej Ramaška paviedamiŭ BIEŁTA, jak hetaj zimoj pavialičycca apłata za ŽKP dla biełarusaŭ. Čynoŭnik nahadaŭ, što ŭ krainie dziejničaje norma, zhodna ź jakoj taryfy na ŽKP nie mohuć raści vyšej za pałovu adnoj bazavaj vieličyni na hod, to-bok nie vyšej za 18,5 rubla.
Jak rastłumačyŭ namieśnik ministra, vyšej za hety paroh košt žyllova-kamunalnych pasłuh na standartnuju dvuchpakajovuju kvateru z dvuma hramadzianami pavyšać niamožna.
Razam z tym z 1 červienia pavialičyŭsia taryf na ciepłavuju enierhiju.
«Z ulikam hetaha cana za ŽKP, uklučajučy aciapleńnie, u standartnaj dvuchpakajovaj kvatery płoščaj 48 kvadratnych mietraŭ z dvuma hramadzianami budzie składać kala 153 biełaruskich rubloŭ», ― skazaŭ Ramaška.
Letaś heta suma składała prykładna 140 biełaruskich rubloŭ, to-bok ŽKP u hety aciaplalny siezon padaražeje amal na 9,3%.
Taryfy na žyllova-kamunalnyja pasłuhi pavyšajucca ŭ Biełarusi dva razy na hod: 1 studzienia i 1 červienia.
Tur anansuje, što Łukašenku napišuć na vybarach bolš za 90%6
Kamientary