Nacbank sprahnazavaŭ inflacyju i staŭku refinansavańnia na nastupny hod
Zaćvierdžany asnoŭnyja napramki hrašova-kredytnaj palityki Biełarusi na 2024 hod, da jakoha zastałosia 70 dzion.
«Prahnoznyja raźliki hruntujucca na makraekanamičnym scenary źniešnich i ŭnutranych umoŭ, jaki lažyć u asnovie prahnoznych paramietraŭ sacyjalna-ekanamičnaha raźvićcia na 2024 hod», — paviedamlaje pres-słužba hałoŭnaj finansavaj ustanovy krainy.
Nacbank stavić za metu vyjści na pakazčyk inflacyi ŭ 6% u nastupnym hodzie, dla čaho płanuje rehulavać hrašovuju prapanovu.
Siaredniaja šyrokaja hrašovaja masa pavialičycca na 11—15%, siaredniaja rublovaja hrašovaja masa — na 17—22%, rublovaja hrašovaja baza — na 10—13%».
Dla niedapuščeńnia rezkich vahańniaŭ kursa biełaruskaha rubla, a taksama ŭ metach papaŭnieńnia zołatavalutnych reziervaŭ dapuskajecca praviadzieńnie valutnych interviencyj.
Abjom zołatavalutnych reziervaŭ na kaniec nastupnaha hoda pavinien być u miežach šaści miljardaŭ dalaraŭ, a staŭka refinansavańnia — u rajonie 9—9,5%.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary