Нацбанк спрагназаваў інфляцыю і стаўку рэфінансавання на наступны год
Зацверджаны асноўныя напрамкі грашова-крэдытнай палітыкі Беларусі на 2024 год, да якога засталося 70 дзён.
«Прагнозныя разлікі грунтуюцца на макраэканамічным сцэнары знешніх і ўнутраных умоў, які ляжыць у аснове прагнозных параметраў сацыяльна-эканамічнага развіцця на 2024 год», — паведамляе прэс-служба галоўнай фінансавай установы краіны.
Нацбанк ставіць за мэту выйсці на паказчык інфляцыі ў 6% у наступным годзе, для чаго плануе рэгуляваць грашовую прапанову.
Сярэдняя шырокая грашовая маса павялічыцца на 11—15%, сярэдняя рублёвая грашовая маса — на 17—22%, рублёвая грашовая база — на 10—13%».
Для недапушчэння рэзкіх ваганняў курса беларускага рубля, а таксама ў мэтах папаўнення золатавалютных рэзерваў дапускаецца правядзенне валютных інтэрвенцый.
Аб'ём золатавалютных рэзерваў на канец наступнага года павінен быць у межах шасці мільярдаў даляраў, а стаўка рэфінансавання — у раёне 9—9,5%.
Цяпер чытаюць
Чым цяпер жыве Ксенія Волкава з «Апошняга героя»? Чвэрць стагоддзя таму гэтая беларуска трапіла на трапічны востраў1
Каментары