U hetyja vychadnyja ŭ polskich Katavicach adkryvajecca knižny kirmaš, dzie vystupiać i biełaruskija aŭtary. Voś raskład sustreč

Knižny kirmaš sustrenie svaich haściej u Mižnarodnym kanhres-centry (Katowice, plac Sławika i Antalla 1). Darečy, heta adna z najbujniejšych knižnych padziej u Polščy. U minułym hodzie, naprykład, jaje naviedała bolš za 30 tysiač čałaviek. Sioleta na kirmašy my ŭpieršyniu ŭbačym vialiki stend z knihami bolš jak dziesiaci biełaruskich vydaviectvaŭ.

Prahrama «Volnaj Biełarusi», 3-5 listapada:

3 listapada (piatnica)

• 16.00 — 17.00 Prezientacyja sieryi «Turemnaja litaratura» (Alena Łapcionak, pravaabarončy centr «Viasna»).
• 17.00 — 18.00 Dyskusija «Biełaruskaja kniha: vykliki i pierśpiektyvy». Z udziełam Aliny Koŭšyk (Pradstaŭnictva pa nacyjanalnym adradžeńni), Natalli Rusieckaj (Instytut biełaruskaj knihi), Andreja Januškieviča (vyd-va «Januškievič»). 

4 listapada (subota)

• 13.00 — 14.00 Prezientacyja biełaruskich pierakładaŭ polskich aŭtaraŭ Ščepana Tvardacha «Karol» i Daminiki Słovik «Zimoŭka» (vyd-va «Januškievič»).
• 14.00 — 15.00 Prezientacyja knihi vieršaŭ Uładzimira Niaklajeva «Sam» (hałoŭnaja zała).
• 15.00 — 16.00 Prezientacyja knihi «Biełaruski brykałaž» niamieckaha daśledčyka Hienrycha Kiršbauma (vyd-va «Vesna»).
• 16.00 — 17.00 Prezientacyja knihi «Historyja Biełarusi ad siaredziny XVIII stahodździa i da našaha času» Aleha Łatyšonka i Jaŭhiena Miranoviča.
• 17.00 — 18.00 Tvorčaja sustreča z aŭtaram Sašam Filipienkam («Były syn», «Cichary», «Kremulatar»).

5 listapada (niadziela)

• 13.00 — 14.00 Dyskusija «Ci musim my kłapacicca pra pierakłady biełaruskich knih na inšyja movy?» z udziełam vydaŭca Valanciny Andrejevaj (vyd-va Gutenberg), aŭtara Vasila Jeŭdakimava («Kruhłaja Square»), pierakładčycy, paetki Natalli Rusieckaj.
• 14.00 — 15.00 Prezientacyja novych knih vydaviectva Gutenberg: «Kruhłaja Square» Vała Klementa, «Chto žyvie ŭ haražy» Andreja Skurko.

Hadziny pracy:

• 3 listapada, piatnica: 11.00 — 19.00
• 4 listapada, subota: 10.00 — 19.00
• 5 listapada, niadziela: 10.00 — 17.00

Stend «Volnaja Biełaruś» arhanizavany Instytutam biełaruskaj knihi pry padtrymcy Pradstaŭnictva pa nacyjanalnym adradžeńni i fundacyi «Historyja i kultura». Padčas uračystaha adkryćcia prahučyć admysłovy videazvarot Śviatłany Cichanoŭskaj, a vitalnaje słova pramović Alina Koŭšyk — pradstaŭnica Abjadnanaha pierachodnaha kabinieta pa nacyjanalnym adradžeńni.

• 9
• 0
• 0
• 0
• 0
• 1
• 2
• 0