Pravaabaroncy zafiksavali 468 spraŭ suprać krymčan pa artykule «dyskredytacyja» vojska RF
U pieryjad ź lipienia pa vierasień Krymskaja pravaabarončaja hrupa zadakumientavała najmienš 98 administracyjnych vytvorčaściaŭ, jakija pieradali na razhlad u rasijskija sudy ŭ Krymie pa artykule ab «dyskredytacyi» armii RF.
Jak śćviardžajecca, u 90 administratyŭnych spravach sudy pryznačyli pakarańnie ŭ vyhladzie štrafu ci administratyŭnaha aryštu.
Usiaho za pieryjad poŭnamaštabnaha ŭvarvańnia KPH zadakumientavała najmienš 468 administracyjnych spraŭ. U 418 ź ich rasijskija sudy vynieśli rašeńni ab administracyjnym pakarańni.
Adnoj z najbolš raspaŭsiudžanych pryčyn pieraśledu zastajucca publikacyi ŭ sacyjalnych sietkach. U pryvatnaści, da adkaznaści pryciahvajuć za raźmiaščeńnie nacyjanalnaj simvoliki Ukrainy.
Siarod inšaha, pravaabaroncy zadakumientavali novyja vypadki kryminalnaha pieraśledu krymčan za publičnyja prajavy niazhody ź dziejańniami rasijskaha vojska va Ukrainie.
KPH taksama pakazvaje, što na terytoryi paŭvostrava praciahvaje aktyŭna dziejničać internet-supołka «Krymski ŚMIERŠ». Jaje ŭdzielniki pieraśledujuć tych, chto nie padtrymlivaje rasijskich uład i vajny suprać Ukrainy, publikujuć piersanalnuju infarmacyju ab takich ludziach, raspalvajuć nianaviść da ich, zaklikajuć da ich pieraśledu, padajuć danosy ŭ akupacyjnyja siłavyja struktury.
Infarmacyja hetaj hrupy, jak adznačajecca, stanovicca padstavaj dla ŭzbudžeńnia kryminalnych i administracyjnych spravaŭ suprać krymčan.
Kamientary