Kab Pucin nie vyhladaŭ dziedam. KPRF vyłučyła kandydata ŭ prezidenty
Źjezd Kamunistyčnyj partyi Rasijskaj Fiederacyi vyłučyŭ kandydatam u prezidenty Mikałaja Charytonava, paviedamlaje RIA «Naviny».
Na pytańnie, ci budzie jon krytykavać Pucina padčas pieradvybarnaj kampanii, Charytonaŭ adkazaŭ: «Navošta? Jon adkazvaje za svoj cykł pracy, ja za svoj. Ja nie z tych ludziej, kab krytykavać kalehu. Ja vydatna razumieju, nakolki ciažkaja noša prezidenta Rasii».
Charytonaŭ — deputat Dziarždumy z 1993 hoda, jamu 75 hadoŭ, jon starejšy za Pucina na čatyry hady.
Na vybarach 2004 hoda jon nabraŭ 13,69% hałasoŭ. U Pucina było 71,31%.
Na vybarach 2018 hoda kandydatam ad KPRF i sajuza «Levych sił» byŭ Pavieł Hrudzinin, jaki nabraŭ 11,77% pracenta.
Prezidenckija vybary ŭ Rasii projduć 15—17 sakavika 2024 hoda.
Dakumienty na ŭdzieł u pieradvybarčaj kampanii ŭžo padali paŭtara dziasiatka čałaviek, u tym liku Uładzimir Pucin, jaki kiruje Rasijaj užo 23 hady, kiraŭnik ŁDPR Leanid Słucki, hramadski dziejač Anatol Rabinovič, a taksama Ihar Hirkin-Strałkoŭ, jaki znachodzicca ŭ SIZA.
Siońnia CVK nie zarehistravaŭ inicyjatyŭnaj hrupy niezaležnaj žurnalistki z Rževa Kaciaryny Duncovaj.
U pačatku vieraśnia rasijskija niezaležnyja ŚMI pisali pra toje, što ŭ Kramli vyznačylisia, chto budzie sparynh-partnioram 71-hadovaha Uładzimira Pucina, kab toj nie vyhladaŭ dziedam na ich fonie.
«Kab Pucin nie vyhladaŭ dziedam». U Kramli vyznačylisia, chto budzie sparynh-partniorami na prezidenckich vybarach 2024 hoda
Rasijskuju žurnalistku, jakaja kinuła vyklik Pucinu, nie dapuścili da zboru podpisaŭ
Murataŭ i Rojzman — tak; Vieniedyktaŭ, Ziuhanaŭ, Sabčak, Jaŭlinski — nie. Navalny adkazaŭ na pytańnie pra adzinaha kandydata ad apazicyi
«Heta dziŭnyja idei». Nobieleŭski łaŭreat Murataŭ admoviŭsia iści na prezidenckija vybary ŭ Rasii
Ad Rabinoviča da Duncovaj. U CVK Rasii ŭžo pastupiła 16 zajavak ad pretendentaŭ u prezidenty
Prapahandysty zajavili pra razhrom sietki salidarnaści i aryšt jaje ŭdzielnikaŭ8
Kamientary