Darja Domračava zaniała čaćviortaje miesca ŭ kaladnaj honcy ŭ Niamieččynie
Biełaruska Darja Domračava i aŭstryjec Daminik Łandercynhier zaniali čaćviortaje miesca ŭ kaladnaj bijatłonnaj honcy, što prajšła 28 śniežnia ŭ niamieckim Hielzienkirchienie.
U mas‑starcie Domračava i Łandercynhier finišavali pieršymi, ale nie zmahli ŭtrymać pieravahu ŭ honcy pieraśledu, pavodle vynikaŭ jakoj byli raźmierkavany miescy.
Pieramohu atrymali Kaci Vilhielm (Niamieččyna) i Krystaf Zuman (Aŭstryja). Na druhim miescy ŭkraincy Aksana Chvastenka i Andrej Dziaryziamla, na trecim — francuzy Mary‑Łor Brune i Viensan Defran. Usiaho startavała 10 par.
Za honkaj na stadyjonie «Fieltyns‑Arena» nazirała 50 tys. hledačoŭ. Ahulny pryzavy fond skłaŭ 116 tys. jeŭra. Pieramožcy atrymali 24 tys. jeŭra i aŭtamabil «Fijat» koštam 25 tys. jeŭra.
Kamientary