Cikavaja zamiena: u centry Minska na miescy, dzie byŭ raniej Mcdonald's, adkryvajecca KFC
Adbudziecca heta ŭžo siońnia, 5 studzienia, a 13:00.
Novy restaran KFC adkryjecca ŭ centry Minska, nasuprać vakzała, pa vulicy Leninhradskaj, 18.
Raniej tut byŭ Mcdonald's, jon adkryŭsia tut u liku adnaho ź pieršych u Minsku: 9 kastryčnika 1997 hoda. Taksama tut niejki čas byŭ ofis Radyjo Svaboda.
A z 28 listapada 2002 hoda Mcdonald's zakryli z-za pačatku budaŭnictva fakulteta mižnarodnych adnosin BDU, jaki ŭźviali prosta nad budynkam restarana.
Fakultet adkryŭsia ŭ vieraśni 2012 hoda. Amal u hety ž samy čas na restaranie źjaviłasia šylda Mcdonald's, a kampanijaj byŭ zaćvierdžany płan praviadzieńnia rekanstrukcyi ŭstanovy — usie dumali, što tut adkryjecca restaran, ale ŭ vyniku kampanija ad hetaj idei admoviłasia. Zamiest hetaha jana vyrašyła raźmiaścić tut centralny ofis i centr pryjomu na pracu, piša Blizko.by.
20 studzienia 2016 hoda tam adkryłasia dziaržaŭnaje bistro biełaruskaj kuchni «Maestra», jakim kiravała taja ž kampanija, što i sietkaj kram «Radziviłaŭski».
Z nahody adkryćcia KFC padrychtavaŭ padarunki dla pakupnikoŭ:
Pry amal luboj zamovie na kasie (akramia survetki, butelavanaha napoju ci soku) pakupnik atrymaje 3 strypsy za 1 kapiejku.
A pry zamovie ad 12 rubloŭ na kasie pakupnik atrymaje kapučyna/łate/amierykana abjomam 0,3 ł taksama za 1 kapiejku.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami9
Kamientary