Nad jaje stvareńniem pracavali biełaruskija śpiecyjalisty.
Mak.bu pierajšoŭ na novuju ŭpakoŭku, zaŭvažyŭ Koko.by.
Dyzajn raspracavała biełaruskaje brendynhavaje ahienctva Fabula Branding, kardon pastaŭlaje Dobrušskaja papiarovaja fabryka «Hieroj pracy».
Vytvorčaść upakoŭki ŭziali na siabie drukarnia «Druk servis» i vytvorca «Supierpak Kompani».
«Siońnia novaja ŭpakoŭka całkam pradstaŭlena ŭ piaci restaranach i pastupova źjavicca va ŭsich», — piša Koko.by.
Pra toje, što suśvietny brend fast-fudu «Makdonalds» pakinie biełaruski rynak, stała viadoma ŭ listapadzie 2022 hoda. Ale historyja z adychodam kampanii ŭ vyniku akazałasia davoli zabłytanaj. Spačatku zajaŭlałasia, što na miescy restaranaŭ sietki ŭ Biełarusi pavinien byŭ adkrycca rasijski brend «Vkusno — i točka», ale hetaha nie adbyłosia. Šyldy na restaranach spačatku zamianili na «My adkrylisia», a paśla sietka stała nazyvacca Mak.by.
Raniej sietka restaranaŭ «Makdonalds» u Biełarusi pracavała pa franšyzie i na 90% naležała kazachstanskamu biznesmienu Kajratu Baranbajevu. Ciapier Kazachstan amierykanskaja sietka taksama pakinuła, pra heta stała viadoma ŭ studzieni 2023 hoda.
Jeŭrapiejcy hatovyja pahadzicca na adpraŭku svaich vojskaŭ dla achovy biełaruska-ŭkrainskaj miažy — vialikaje apytańnie1
Kamientary
ja taki dumaju :A kuda eto Dizajnier inohda propadajet (osobienno po nočam) ?
okazyvajetsia - on čto-to sozdajet 3% nu
la (dyrki ot bulika)