Redaktar «Narodnaj voli» kamientuje druhoje ŭ hetym hodzie papiaredžańnie vydańniu Mininfarmacyi.
Redaktar «Narodnaj voli» kamientuje druhoje ŭ hetym hodzie papiaredžańnie vydańniu Mininfarmacyi.
«Čaho zaŭhodna možna było čakać ad uładaŭ, tolki nie takoha. U samyja drakonaŭskija časy haziety karali za palityčnyja pamyłki, ale kab za sensavuju niedakładnaść vynosić papiaredžańnie, nie viedaju», — kamientuje druhoje ŭ hetym hodzie papiaredžańnie Mininfarmacyi redaktar «Narodnaj voli» Iosif Siaredzič. «My źmiaścili infarmacyju pra mahčymaść padpiski ŭ šapikach «Biełsajuzdruku» pa mienšym košcie, čym u punktach padpiski «Biełpošty». Da nas pryčapilisia što my nazvali heta lhotnymi ŭmovami. Dyk što — ziamla ad hetaha zvaruchnułasia, ułada źmianiłasia, ludzi na vulicy pavychodzili aburanyja dy zapłakanyja?» — aburajecca redaktar «Narodnaj voli». «Vy možacie sabie ŭjavić uzrovień pracy čynoŭnikaŭ. Ci nie havoryć pra prafiesijny ŭzrovień taho ž Pralaskoŭskaha? Niachaj jon adkaža na hetaje pytańnie. Chiba ž tak možna pracavać ŭ XXI stahodździ? Kali b takoje zdaryłasia ŭ časy BSSR, Mašeraŭ by sklikaŭ pasiedžańnie Biuro CK, kab razhladać hetaje pytańnie».
Heta ŭžo druhoje ciaham hoda papiaredžańnie na adras vydańnia. Nahadajem, što redakcyju «NV» piśmova papiaredzili 17 listapada za artykuł «…Nie miešaj druhim otstaivať svobodu» (№ № 169—170 ad 30 kastryčnika — 2 listapada).
Byłoha supracoŭnika kontrraźviedki KDB aryštavali za zdradu dziaržavie9
Kamientary