Minadukacyi paabiacała navučalnym ustanovam «surjoznuju reviziju»
Ministr adukacyi Biełarusi Andrej Ivaniec pravioŭ sustreču ź piedahohami ŭ Homieli, dzie abviaściŭ, što ŭ 2024 hodzie ŭ škołach, kaledžach i ŭniviersitetach buduć źmieny. Pavodle słoŭ čynoŭnika, hetaha patrabuje abvieščany Łukašenkam «Hod jakaści».
Pa słovach Ivanca, u hetym hodzie budzie praviedziena surjoznaja revizija struktury padrychtoŭki śpiecyjalistaŭ. «I kožny ŭniviersitet zrobić jašče adzin krok nasustrač tamu, kab padrychtavać nie prosta vysokakvalifikavanaha maładoha śpiecyjalista, a mieć nieparyŭnuju suviaź z zakazčykami kadraŭ», — zajaviŭ ministr, nie ŭdakładniŭšy sutnaści hetych krokaŭ.
Źmieny, jak abiacaje Ivaniec, buduć i ŭ kaledžach. U pieršuju čarhu tam zapłanavali raźvićcio «centraŭ kampietencyj» i ŭkaranieńnie novych śpiecyjalnaściaŭ, «pa jakich siońnia nieabchodna ažyćciaŭlać padrychtoŭku dla našaj ekanomiki».
Što da škoł, to ŭ ich Andrej Ivaniec paabiacaŭ rychtavać maładych ludziej, jakija paśla zakančeńnia vučoby nie tolki b rabili «śviadomy vybar budučaj prafiesii, adukacyjnaj trajektoryi», ale i «byli patryjotami svajoj krainy».
Homielskich školnikaŭ prymusiać šukać hieraičnaje minułaje ŭ Afhanskaj vajnie. Ciapier ideołahi nazvali jaje «śpiecapieracyjaj»
U kancy studzienia praviaduć repietycyju centralizavanaha ekzamiena
Z hetaha hoda abituryjenty buduć pastupać pa źmienienych praviłach
Ministr Ivaniec: U Biełarusi zastalisia šeść pryvatnych škoł
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary