Ksiondz Hienrych Akałatovič užo dva miesiacy znachodzicca ŭ «Amierykancy»
U joj 83 hady nazad siadzieŭ budučy kardynał Kazimir Śviontak.
Užo dva miesiacy probašča ryma-katalickaj parafii śviatoha Juzafa ŭ Vałožynie trymajuć u źniavoleńni. Hienrycha Akałatoviča zatrymali 16 listapada, na śviata Maci Božaj Miłasernaści. Z taho času nijakaj aficyjnaj infarmacyi pra toje, u čym abvinavačvajuć śviatara, nie źjaviłasia, piša katolik.life.
Kampietentnyja orhany ničoha nie paviedamlajuć pra spravu vałožynskaha probašča, taksama nieviadoma ni pra abvinavačvańnie, ni pra rasśledavańnie, ni pra stan zdaroŭja śviatara blizkim jamu ludziam — sucelnaje maŭčańnie. Jany molacca za jaho i prosiać ab malitvie ŭsich nieabyjakavych. Adzinaje, što kampietentnaja krynica zmahła paviedamić Katolik.life — ksiandzu Hienrychu pieradali čarhovy nabor lekaŭ, a znachodzicca jon u Śledčym izalatary KDB u Minsku.
U hetym ža SIZA, jakoje z savieckaha času nazyvajuć «Amierykankaj», bolš za paŭhoda pravioŭ ksiondz Uładzisłaŭ Łazar u 2012-m, adnak nijakija dokazy jahonaj viny tak i nie byli ahučanyja — śviatara abvinavačvali ŭ zdradzie dziaržavie. Padobna, što ŭ hetym ža abvinavačvajuć i ksiandza Hienrycha, vykazvaje mierkavańnie katolik.life.
Taksama 80 hadoŭ tamu ŭ «amierykancy» trymali śviatara Kazimira Śviontka, jaki paźniej staŭ pieršym kardynałam u sučasnaj historyi Biełarusi.
Takim čynam, stała viadoma, kudy dla ksiandza Hienrycha možna paprabavać dasłać list, kab padtrymać śviatara, raspavieści jamu pra toje, jak šmat ludziej molacca za jaho.
Pa pašparcie ksiondz maje imia Hienadź, tamu adrasatam treba paznačyć «Hienadź Akałatovič».
Adras: SIZA KDB 220050, h. Minsk, Hałoŭpaštamt, a/s 8
Varta ŭličvać, što ŭ lubym vypadku list pieršapačatkova patrapić da cenzara.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary