Syšła epocha. Zamiest sałona VW va Uruččy adkryŭsia dylerski centr Chery
Uviečary 26 studzienia ŭ Minsku adkryli novy dylerski centr Chery. Raniej tut pad toj ža šyldaj «Atłant-M Uručča» bolš za 12 hadoŭ pradavali aŭto marki Volkswagen.
Ciapier u budynku ŭsio pa-inšamu, piša Office Life.
Ciapier «Atłant-M», jaki staŭ dystrybutaram brenda Chery ŭ Biełarusi ŭ śniežni minułaha hoda, pastaŭlaje na biełaruski rynak siedan Arrizo 8, kampaktny krasovier Tiggo 4 Pro, siaredniepamierny Tiggo 7 Pro Max i poŭnapamierny 7-miascovy Tiggo 8 Pro Max. Cany pakul nie nazyvajuć.
Kitajskaja marka ŭžo aficyjna pradstaŭlena ŭ Minsku, Homieli i Breście, a na praciahu pary miesiacaŭ aŭtacentry źjaviacca i va ŭsich abłasnych centrach krainy.
Minuły pradstaŭnik marki Chery, «Aŭtacentr na MKAD», budzie pradavać hetyja kitajskija aŭtamabili da lipienia hetaha hoda. Servisnaje absłuhoŭvańnie pradadzienych im aŭto Chery piarojdzie da «Atłant-M Uručča».
Aŭtacentr Volkswagen pracavaŭ u Minsku na tym ža miescy pad toj ža šyldaj «Atłant-M Uručča» z kastryčnika 2010 hoda. Z 2022-ha niamiecki aŭtavytvorca nie pastaŭlaje svaich aŭto ŭ Rasiju i Biełaruś.
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam5
Chto toj čaćviorty vajskoviec ZŠA, jakoha dahetul šukajuć? I jaki amal supadaje pa ŭzroście z amierykancam, zatrymanym pad Maładziečnam
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym77
Kamientary