Сышла эпоха. Замест салона VW ва Уруччы адкрыўся дылерскі цэнтр Chery
Увечары 26 студзеня ў Мінску адкрылі новы дылерскі цэнтр Chery. Раней тут пад той жа шыльдай «Атлант-М Уручча» больш за 12 гадоў прадавалі аўто маркі Volkswagen.
Цяпер у будынку ўсё па-іншаму, піша Office Life.
Цяпер «Атлант-М», які стаў дыстрыбутарам брэнда Chery ў Беларусі ў снежні мінулага года, пастаўляе на беларускі рынак седан Arrizo 8, кампактны красовер Tiggo 4 Pro, сярэднепамерны Tiggo 7 Pro Max і поўнапамерны 7-мясцовы Tiggo 8 Pro Max. Цаны пакуль не называюць.
Кітайская марка ўжо афіцыйна прадстаўлена ў Мінску, Гомелі і Брэсце, а на працягу пары месяцаў аўтацэнтры з'явяцца і ва ўсіх абласных цэнтрах краіны.
Мінулы прадстаўнік маркі Chery, «Аўтацэнтр на МКАД», будзе прадаваць гэтыя кітайскія аўтамабілі да ліпеня гэтага года. Сэрвіснае абслугоўванне прададзеных ім аўто Chery пяройдзе да «Атлант-М Уручча».
Аўтацэнтр Volkswagen працаваў у Мінску на тым жа месцы пад той жа шыльдай «Атлант-М Уручча» з кастрычніка 2010 года. З 2022-га нямецкі аўтавытворца не пастаўляе сваіх аўто ў Расію і Беларусь.
Каментары