Minskija ŭłady zapeŭnivajuć, što trymajuć situacyju z zarobkami na rybakambinacie na kantroli
«Ludzi nie pakinutyja sam-nasam z prablemaj», — kaža staršynia Kastryčnickaha rajona Hienadź Lubatynski.
Jak zaznačyŭ H. Lubatynski, staličnym uładam viadoma pra situacyju: jana znachodzicca na pastajannym kantroli, ludzi ni ŭ jakim razie nie zastanucca sam-nasam sa svajoj prablemaj. U Minharvykankamie, administracyi rajona i na placoŭcy pradpryjemstva ŭžo pravodzilisia narady pa pytańni vypłaty zarobku. U vyniku ŭ kancy śniežnia była vypłačanaja častka zapazyčanaści. U najbližejšy čas rašycca pytańnie, kab u poŭnaj miery vypłacić ludziam zaroblenyja hrošy, raskazaŭ čynoŭnik.
H. Lubatynski ŭdakładniŭ, što havorka idzie ab pryvatnym pradpryjemstvie — tavarystvie z abmiežavanaj adkaznaściu «Rybakansiervavy kambinat «Staličny», jakoje z 2022 hoda aranduje vytvorčyja płoščy i abstalavańnie ŭ kamunalnaha pradpryjemstva AAT «Biełryba».
Cupracoŭniki kambinata «Staličny» zapisali zvarot da Alaksandra Łukašenki, dzie narakali, što piać miesiacaŭ nie atrymlivali zarobku, a z 8 studzienia naohuł znachodziacca ŭ prastoi.
Rabotniki minskaha rybakansiervavaha kambinata nie atrymlivajuć piać miesiacaŭ zarobak. Jany zapisali zvarot da Łukašenki
Aktyvistki «Ruchu maci — 328» sabrali bolš za paŭtysiačy podpisaŭ za amnistyju dla zakładčykaŭ
«Na žal, takich žudasnych historyj chapaje». Supracoŭnica radzilni pra vypadak z paradzichaj u Salihorsku
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj40
Kamientary