Varšava pryniała rašeńnie jašče bolš uzmacnić kantrol za miažoj ź Biełaruśsiu, paviedamlaje pamiežnaja słužba Polščy. Pad bolš pilny kantrol voźmuć pamiežnyja reki.
Na rekach Śvisłač, Istačanka i Buh płanujecca pastavić 1800 kamiernych stojek, kala 4,5 tys. sistem videanazirańnia, jakija buduć kruhłasutačna vieści manitorynh navakolnaha stanovišča. Akramia taho, uzdoŭž vodnych abjektaŭ raźmieściać telekamunikacyjnyja vyški, mnostva ciepłavizaraŭ i śpiecyjalnyja datčyki, jakija reahujuć na ŭsialakija fizičnyja abjekty nienaturalnaha pachodžańnia.
Pamiežnaja słužba Polščy ŭžo zaklučyła kantrakty na budaŭnictva ź niekalkimi kampanijami, jakija zojmucca ŭmacavańniem hetaha śpiecyfičnaha ŭčastka na miažy ź Biełaruśsiu. Na ambicyjny prajekt vydzielena 364 młn złotych (bolš za 91,5 młn dalaraŭ).
U viedamstvie zajaŭlajuć, što padradčykam na ŭźviadzieńnie ŭsich abjektaŭ i prakładku kamunikacyj adviedziena 10-12 miesiacaŭ. Prajekt častkova budzie finansavacca Jeŭrapiejskim Sajuzam.
U pamiežnaj słužbie Polščy padkreślivajuć, što novaja sistema na pamiežnych ź Biełaruśsiu rekach Buh, Śvisłač i Istačanka zabiaśpiečyć vyjaŭleńnie padziej, źviazanych z pamiežnaj złačynnaściu: nielehalnaj mihracyjaj i kantrabandaj tavaraŭ. Novyja prystasavańni dazvolać zabiaśpiečyć aŭtamatyzavanuju bieśpierapynnaść i efiektyŭnaść manitorynhu abarony dziaržaŭnaj miažy Polščy.
Taksama takim čynam raźličvajuć palepšyć raspaznavańnie i vyjaŭleńnie pahroz, u tym liku ich vykanaŭcaŭ, zbor dokazaŭ i pryniaćcie mier, nakiravanych na zatrymańnie złačyncaŭ.
Litva pravieryć 18 tysiač biełarusaŭ, jakija pasialilisia ŭ krainie da ŭviedzienych u 2022 hodzie abmiežavańniaŭ
Błakavańnie adzinaha dziejnaha hruzavoha pierachodu ź Biełarusi ŭ Polšču tak i nie pačałosia. Prynamsi pakul
«Heta budzie doŭha i pakutliva». Jak biełarusy kamientujuć zakryćcio Litvoj jašče dvuch pierachodaŭ ź Biełaruśsiu
Kamientary