«Nie złavać dzieda». Ryhor Astapienia prapanavaŭ novuju stratehiju demakratyčnym siłam
Pra toje, čamu demakratyčnym siłam treba svoj kandydat na prezidenckich vybarach i na jakich zadačach skancentravacca ciapier, razvažaŭ kiraŭnik biełaruskaha prajektu Chatham House Ryhor Astapienia ŭ novym vypusku jutub-kanała «Hadzińničak cikaje».
Svoj kandydat na vybarach
Na dumku Astapieni, na budučych prezidenckich vybarach demakratyčnym siłam nieabchodna vysoŭvać svajho kandydata. «Ja nie ŭjaŭlaju, jak možna raskrucić kampaniju ŭnutry krainy biez čałavieka ŭnutry jaje». Analityk zaŭvažaje, što heta moža być historyja na adzin dzień, ci, jak u vypadku Nadzieždzina ŭ Rasii, na paru tydniaŭ. Ale inšaj alternatyvy Astapienia nie bačyć.
Emihracyja moža jak inśpiravać niekaha pajści kandydatam na vybary, tak i zabiaśpiečyć jamu infarmacyjnuju padtrymku.
Na pohlad analityka, isnuje niedaacenka važnaści budučaj palityčnaj kampanii demakratyčnymi siłami:
«Adbyvajecca razryŭ. My bolš nie žyviom piacihadovymi palityčnymi cykłami. I heta padajecca dosyć pamyłkovym dla demakratyčnych siłaŭ. Dla žyćciazdolnaści samich emihrantaŭ, palityčnych kołaŭ, mnie padajecca, heta ich palityčny kaniec. Jany nie da kanca ŭjaŭlajuć, nakolki dla vonkavaha śvietu, dla lehitymnaści hetych palityčnych sił važnyja ich historyi, kim jany źjaŭlajucca dla ŭsiaho śvietu».
Astapienia śćviardžaje, što ludzi stamlajucca ad razmovaŭ pra 2020 hod. Jon nieadnarazova čuŭ padčas kanfierencyj pytańnie ab stratehii na 2025-ty. Ale na paradku dnia zastajecca 2020-ty.
«Kali jany (demakratyčnyja siły. — NN) chočuć svajho ŭłasnaha vyžyvańnia, treba štości rabić vakoł vybarčaj kampanii. Jaje nielha ihnaravać….. Treba ŭvachodzić u vybarčyja siły, kali chočacca isnavać», — ličyć Astapienia.
Što demakratyčnym siłam treba rabić u novaj realnaści
Treba padzialić zadačy na bližejšyja hod-dva i na bolš dalokuju pierśpiektyvu, miarkuje analityk.
«Kali havaryć pra hod-dva, to na samoj spravie tut metaŭ niama. Jany ŭsie vydumanyja — «zadušyć režym», «adpravić Łukašenku ŭ Haahu». Ja nie suprać. Ale my možam [prapanavać] niešta, źviazanaje z rečaisnaściu?» — zaŭvažaje Astapienia.
Na pohlad analityka, abjektyŭnaja zadača, jakaja staić pierad demakratyčnymi siłami, — «kab Biełaruś vyjšła ź biespraśvietnaj sraki». Jak tłumačyć Astapienia, na praktycy heta aznačaje spynieńnie represij.
«Ja nie dumaju, što ŭ nas jość abmienny fond viaźniaŭ. Ale jość sankcyjny fond, jaki možna sprabavać niejkim čynam mianiać. Jość nabor dziejańniaŭ dla taho, kab nie pavialičvać represii».
Šrajbman zaŭvažyŭ, što stratehija, jakuju prapanoŭvaje Astapienia, układvajecca ŭ kanvu «nie złavać dzieda».
Na pytańnie, ci treba demakratyčnym siłam vychodzić z cykłu cisku na režym, Astapienia adkazaŭ:
«Kali ŭ vas zadača złavać dzieda, to vy ahučcie, kab usie razumieli: «My lubim represii». Kali dzied varjacieje, jon pačynaje bolš represavać».
Analityk ličyć, što značnaja častka represij prachodzić pa farmalnych pryčynach. Jość častka ludziej, jakija nie trapili ŭ farmalnyja śpisy, i absalutna spakojna prachodzić mima represij.
«Tamu vielmi važna ŭličvać, jakim čynam i da čaho pryvodziać našy dziejańni, sproby nibyta eskaliravać niejkija rečy ŭnutry Biełarusi. Za heta treba nieści niejkuju adkaznaść, kali heta nikudy nie viadzie».
Čytajcie jašče:
Biełarusy nie chočuć ni Biełaruś Cichanoŭskaj, ni Biełaruś Łukašenki — daśledavańnie Astapieni
SK zavioŭ spravy na 20 «analitykaŭ Cichanoŭskaj». Tam jość i analityki suprać Cichanoŭskaj
Zhubilisia ŭ biełaruskim jutubie? Voś ažno 17 kanałaŭ — znojdziecie svoj
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary
1. Adzin sa składnikaŭ lehitymnaści palityčnaha režymu – prymańnie ludźmi jahonych zakonaŭ. Udzieł u vybarach – heta prymańnie zakonaŭ. Udzielničajučy ŭ režymnych vybarach, vy prymajecie praviły hulni, pakazvajecie, i łukašystam, i Jeŭropie, što jany jašče niešta vyrašajuć, a ŭ ludziej jość mahčymaść dla volevyjaŭleńnia
Kandydat ad emihracyi ŭ ciapierašnich umovach nie pratrymajecca i niekalkich tydniaŭ i hetymi biessensoŭnymi dziejańniami spravakuje novuju chvalu masavych represijaŭ
2. Ale ŭ apošnim abzacy Astapienia maje racyju. Nielha pravakavać režym biessensoŭnymi dziejańniami
Što dała biessensoŭnaja akcyja 27 lutaha 2022-ha, akramia novych represijaŭ?
Zaŭvažcie, akcyja nie była častkaj niejkaj doŭhaterminovaj stratehii: prosta vyjšli, kab vyjści (kab sieści?).
Ciapier čas prychavanych dziejańniaŭ i padpolnaha hurtavańnia