Doktara chutkaj dapamohi, na jakoha napaŭ pacyjent ź siakieraj, narešcie vypisali z balnicy
Fielčar, jaki staŭ achviaraj nieadekvatnaha pacyjenta ź siakieraj, narešcie viarnuŭsia dadomu. Pra heta mužčyna paviedamiŭ u svaich sacsietkach.
Svajmu viartańniu da narmalnaha žyćcia doktar, jakoha zavuć Hleb, pryśviaciŭ niekalki storys. Jon napisaŭ: «Žyviejšy za ŭsich žyvych. Ja ŭžo doma. Žyvy, zdarovy. Adčuvaju siabie vydatna, usim svaim reśpiekt». Na balničnym łožku doktar pravioŭ amal miesiac.
Nahadajem: u lutym pacyjent napaŭ ź siakieraj na bryhadu chutkaj dapamohi ŭ Minsku. Dva miedyki trapili ŭ reanimacyju. Voś što Hleb tady raspavioŭ telekanału ANT:
— My pryjechali pa adrasie, nas sustreŭ baćka. Daŭ nakiravańnie [na špitalizacyju]. Ale baćka nie papiaredziŭ što jon [pacyjent] ahresiŭny, što jon nieadekvatny. Jon skazaŭ, što ŭsio dobra i vy možacie spakojna prachodzić.
33-hadovy minčuk nanios fielčaram chutkaj dapamohi nie mienš za 20 udaraŭ siakieraj u vobłaść hałavy i tvaru. Tolki dziakujučy tamu, što baćka, jaki prybieh na šum, zdoleŭ pavalić syna na padłohu i zabrać u jaho siakieru, sprava nie skončyłasia zusim trahična.
Vyśvietliłasia, što mužčyna ŭžo bolš za 10 hadoŭ pakutuje na psichičny razład i litaralna za piać dzion da zdareńnia jaho vypisali z balnicy paśla čarhovaha lačeńnia. Adnak lepš jamu nie stała.
Minčuka vyrašyli ŭziać pad vartu. Jamu inkryminavali zamach na zabojstva dźviuch asob pa č. 1 art. 14, p. 1 č. 2 art. 139 Kryminalnaha kodeksa. A litaralna praz dva dni mužčynu adpravili ŭ RNPC psichičnaha zdaroŭja.
Pieršaja vice-mer Minska Nadzieja Łazarevič prajšła praz zatrymańnie, muž zastaŭsia ŭ SIZA11
Kamientary